1 Koríntius 9:18 - BIBLIA - traduson antigu in Krioulo

¹⁸ Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

1 Koríntius 9:18 ပူးပေါင်းရင်းမြစ်များ

Bon Noba di Jesus Kristu ku Jon 4:36

Kin ku kebra ta risibi pagamentu; i ta junta frutu pa vida ku ka ta kaba, pa kil ku ta sumia ku kil ku ta kebra, tudu ta fika kontenti.

Atus 18:3

Suma ke tenba mesmu tarbaju di kumpu tenda, i fika ku elis, pa e tarbaja juntu.

Romanus 14:15

Si bu na pui bu ermon tristi pabia di kusa di kume, nta bu ka na yanda ja suma ku amor manda. Abo, pabia di kumida ka bu pirdinti bu ermon ku Kristu muri pa el.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 3:8

Kil ku paranta ku kil ku regua, elis i un son. Kada un na risibi si pagamentu konformi si tarbaju.

1 Koríntius 7:31

Kilis ku ta okupa ku tarbaju de mundu li, pa ka e fika suma kin ku maradu nel, pabia mundu, na manera ki sta gosi, i ka na tarda, i na pasa.

1 Koríntius 8:9

Bo jubi pa bo liberdadi ka bin sedu motivu pa frakus mbaransa.

1 Koríntius 9:12

Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

1 Koríntius 9:15

Ma ami, nin un de diritus li N ka purbita, nin N ka na skirbi e karta pa bo pudi fasi asin ku mi. I minjor N muri te pa algin fasi ña manera di ngaba ña kabesa pirdi balur.

1 Koríntius 9:17

Si N na fasil na ña propi vontadi, N ten ku pagadu, ma N fasil suma un dever, pabia i Deus ku dan el pa N fasi.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

1 Tesalonisensis 2:6

No ka buska pa jinti ngabanu, nin abos nin utrus, kontudu no pudiba sedu kargu pa bos, suma apostolus di Kristu.