1 Koríntius 9:13 - BIBLIA - traduson antigu in Krioulo

¹³ O bo ka sibi kuma kilis ku ta tarbaja na kasa di Deus e ta kume di oferta di kasa di Deus? I suma kilis tambi ku ta sirbi na altar, e ta toma se parti di karni di sakrifisiu.

1 Koríntius 9:13 ပူးပေါင်းရင်းမြစ်များ

Sirmonias 21:22

I pudi kume kumida di si Deus, di oferta sagradu, o di oferta mas sagradu,

Sirmonias 22:7

Ora ku sol kai, i na sedu puru. Dipus i na kume kusas sagradu, pabia i el ku sedu si kumida.

Sirmonias 6:26

Saserdoti ku sakrifikal i na kumel na un kau sagradu, fora di tenda di juntamentu ma dentru di tapada di kurtinas.

Sirmonias 7:31

Saserdoti na kema gurdura riba di altar, ma pitu na sedu di Aron ku si fijus.

Numerus 18:31

Abos ku bo familias bo pudi kumel na kualker lugar, pabia i pagamentu di bo tarbaju na tenda di juntamentu.

Romanus 6:16

Nta bo ka sibi kuma, ora ku bo ntrega bo kurpu suma katibu pa sirbi algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu.

1 Koríntius 10:18

Bo jubi pa pobu di Israel. Nta kilis ku ta kume kusas di sakrifisiu, i ka elis ku ta sirbi na altar?

1 Koríntius 9:24

Bo sibi kuma, na disafiu, tudu ta kuri na kurida, ma i un son ku ta ngaña premiu. Bo kuri ku forsa pa bo pudi yangasal.

Ripitison di Lei 10:9

E ku manda levitas ka tene terenu di yardansa suma se ermons di utru jorsons. I SIÑOR ku sedu se yardansa, suma ku SIÑOR bu Deus fala elis.)

1 Samuel 2:28

N kujil na metadi di tudu jorson di Israel pa i sedu saserdoti, pa ba ta sirbin na ña altar, pa ba ta kema nsensu, tambi pa bisti efodi ña dianti. N da familia di bu pape tudu ofertas kemadu ku fijus di Israel ta tisi.