1 Koríntius 9:12 - BIBLIA - traduson antigu in Krioulo

¹² Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

1 Koríntius 9:12 ပူးပေါင်းရင်းမြစ်များ

Kumsada 24:56

Ma omi fala elis: “Ka bo tujin, pabia SIÑOR dan bon rusultadu na ña bias. Bo disan N bai pa N pudi riba pa ña mestre.”

Neemias 4:8

E ruma entri elis tudu pa bin geria kontra Jerusalen, pa pudi para ki tarbaju,

Lukas 11:52

“Koitadi di bos duturis di lei! Bo toma cabi di kuñisimentu; bo ka yentra, bo tuji kilis ku na yentraba.”

Atus 18:3

Suma ke tenba mesmu tarbaju di kumpu tenda, i fika ku elis, pa e tarbaja juntu.

Romanus 15:22

Manga di bias N misti bai jubi bos, ma sempri N tujidu.

1 Koríntius 13:7

I ta sufri tudu; si fe, si speransa ku si pasensa nunka ka ta kaba.

1 Koríntius 6:7

Na bardadi, si bo tene palabra entri bos ku na ciga na justisa, i mostra kuma bo kai ja. Ke ku manda bo ka ta sufri si algin fasi bos mal o bo sufri furtu, te pa bo leba bo ermon dianti di justisa?

1 Koríntius 9:14

Asin tambi Siñor manda pa kilis ku na konta Bon Noba pa e sustentadu nel.

1 Koríntius 9:15

Ma ami, nin un de diritus li N ka purbita, nin N ka na skirbi e karta pa bo pudi fasi asin ku mi. I minjor N muri te pa algin fasi ña manera di ngaba ña kabesa pirdi balur.

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

1 Koríntius 9:18

Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

1 Koríntius 9:2

Nin ku N ka sedu apostolu pa utru jinti, sertamenti N sedu pa bos, pabia i abos ku sedu proba kuma ami i apostolu, suma bo sedu di Siñor.

2 Koríntius 11:12

N na kontinua fasi kil ku N na fasi, pa taja kamiñu di kilis ku na buska manera di njata, pa fala kuma se tarbaju i suma di nos.

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.

2 Koríntius 2:12

Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

2 Koríntius 6:3

No ka misti pa ningin oja falta na no tarbaju. Asin, no ta libra di pui mbaransu na kamiñu di algin.