1 Koríntius 8:7 - BIBLIA - traduson antigu in Krioulo

⁷ I ka tudu ku ten e ntindimentu. Utrus kustuma dimas ku idulu. Te gosi, ora ke na kume, e ta sinti suma ki karni i di idulu. Manera ku se konsiensia i fraku, e ta sinti susu.

1 Koríntius 8:7 ပူးပေါင်းရင်းမြစ်များ

Atus 15:20

ma no dibi di skirbi elis, pa fala elis pa e libra di kume karni di limaria ku roniadu ku el, ku kil ku tursidu garganti, nin pa e ka kume se sangi, tambi pa e libra di yanda na pekadu seksual.

Romanus 14:14

Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

Romanus 15:14

Ña ermons, ami propi N ten sertesa kuma abos bo inci ku bondadi ku kuñisimentu, bo sibi konsija ŋutru.

1 Koríntius 10:25

Bo pudi kume tudu kusa ku bindidu na fera, sin punta nada pabia di konsiensia,

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.