1 Koríntius 8:5 - BIBLIA - traduson antigu in Krioulo

⁵ Nin ki ten kilis ku ta comadu deusis, na seu o na tera, pabia na bardadi i ten manga di deus ku manga di siñor,

1 Koríntius 8:5 ပူးပေါင်းရင်းမြစ်များ

Jeremias 11:13

O Judá! Konformi numeru di bo prasas, asin ku bo deusis sta. Konformi numeru di ruas di Jerusalen, asin ki numeru di bo altaris ku bo kumpu pa kema nsensu pa Baal, ki deus di borgoña.

Jeremias 2:11

Nta i ten nason ku torkia si deusis, mesmu ke ka sedu deusis? Ma ña pobu torkia se Deus gloriosu ku idulus ku ka bali nada.

Jeremias 2:28

Nta nunde bu deusis ku bu kumpu pa bo? I elis ku dibi di lanta si e pudi judau na tempu di bu foronta. O Judá, bu deusis e ciu suma bu prasas.”

Daniel 5:4

Oca ke bibi biñu, e ngaba deusis di uru, prata, kobri, feru, madera ku pedra.

Mateus 27:17

Asin, oca ku pobu junta, Pilatus punta elis: “Kal ku bo misti pa N larga bos, Barabás o Jesus comadu Kristu?”

Gálatas 4:8

Purmeru, oca bo ka kunsiba Deus, bo seduba katibu di spiritus ku ka sedu deusis.

Ripitison di Lei 10:17

SIÑOR bo Deus i Deus riba di tudu deusis, SIÑOR riba di tudu siñoris, Deus garandi, ku jinti dibi di medi, ku ten puder, ku ka ta fasi skuju nin i ka ta seta suku di bas.

2 Tesalonisensis 2:4

I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sinta na templu di Deus, pa i mostra kuma el i Deus.