1 Koríntius 8:1 - BIBLIA - traduson antigu in Krioulo

¹ Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

1 Koríntius 8:1 ပူးပေါင်းရင်းမြစ်များ

Isaias 47:10

Bu fiansa na bu maldadi, bu fala kuma ningin ka pudi ojau. Bu jiresa ku bu kuñisimentu disviantau; bu fala na bu sintidu: ‘Ami N sedu; i ka ten mas utru fora di mi.’

Isaias 5:21

Ai di kilis ku sedu jiru na se propi uju, e oja kuma e sedu ntindidu!

Numerus 25:2

Ki minjeris kumbida elis pa sirmonias di se deusis. E kume, e mpina pa ki deusis.

Atus 15:10

Asin, ke ku manda bo na tenta Deus, bo na pui riba di ombra di krentis garandi kargu ku nin no papes nin anos no ka pudi nguenta?

Atus 15:29

Ka bo kume karni ku roniadu ku el, nin sangi, nin karni di limaria ku tursidu garganti. Ka bo fasi pekadu seksual. Si bo libra de kusas, bo ta fasi ben. Adeus.”

Atus 21:25

Di ki jintius ku bida krentis, no skirbi ja pa konta elis ke ku no oja, kuma e ka dibi di kume karni ku roniadu na iran, nin sangi, nin karni di limaria ku tursidu garganti, nin e ka dibi di fasi pekadu seksual.”

Romanus 11:25

Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

Romanus 14:10

Abo, pa ke ku bu na julga bu ermon? O abo tambi, pa ke ku bu na njuti bu ermon? Anos tudu no ten ku parsi dianti di tribunal di Deus.

Romanus 14:14

Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 14:22

Fe ku bu ten dentru di bo, guardal entri bo ku Deus. Sortiadu i kil ku ka ta sinti kulpadu si i na fasi un kusa ki oja kuma i dibi di fasi,

Romanus 14:3

Kil ku na kume tudu kusa, ka i njuti kil ku ka na kume. Kil ku na kume son ortalisa pa ka i julga kil ku na kume tudu kusa, pabia Deus setal.

Romanus 15:14

Ña ermons, ami propi N ten sertesa kuma abos bo inci ku bondadi ku kuñisimentu, bo sibi konsija ŋutru.

1 Koríntius 1:5

pabia na bo union ku Kristu bo fasidu riku na tudu, na palabra, tambi na kil ku bo sibi.

1 Koríntius 10:15

N na fala ku bos suma jinti di ntindimentu. Abos propi bo pudi julga ke ku N na fala.

1 Koríntius 10:28

ma si algin fala bos kuma e kumida i di ronia, ka bo kumel, pabia di kil ku konta bos, tambi pa konsiensia. [Tera i di Siñor, ku tudu ku sta nel.]

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

1 Koríntius 15:34

Bo riba pa bon kamiñu; ka bo yanda mas na pekadu. N na fala pa bo borgoña kuma utrus inda ka sibi nada di Deus.

1 Koríntius 4:10

No sedu tulu pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

1 Koríntius 4:18

Utrus na yanda sañadu, suma ku N ka na torna bai nunde bos,

1 Koríntius 4:6

Ermons, pa N juda bos ntindi e kusas li ku manda N toma isemplu di mi ku Apolu, pa bo pudi sibi ke ku signifika e ditadu ku fala asin: “Ka bu pasanta mas di kil ku sta skritu,” pa ka bo yalsa un, bo baŝa utru.

1 Koríntius 5:2

Bo sta sañadu, nin bo ka fika tristi! Bo dibi di tira na bo metadi kil ku na fasi e kusa.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

1 Koríntius 8:2

Si algin kuda kuma i sibi kualker kusa, na bardadi i ka sibi suma ki dibi di sibi,

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.

1 Koríntius 8:7

I ka tudu ku ten e ntindimentu. Utrus kustuma dimas ku idulu. Te gosi, ora ke na kume, e ta sinti suma ki karni i di idulu. Manera ku se konsiensia i fraku, e ta sinti susu.

Efésius 4:16

Bas di si orientason tudu parti di kurpu ta filantadu, i ta ligadu, kada junta na si lugar. Si kada parti fasi si propi tarbaju, tudu kurpu ta kirsi pa si formason na amor.

Kolosensis 2:18

Ka bo seta kondenason di jinti ku ta misti julga bos, ku ta finji umildi, ku ta adora anjus, ku ta fala kuma e oja vison. Ki jinti sta incadu amonton pa se ntindimentu di se propi kabesa,

Apokalipsi 2:14

Ma N ten utru kusas kontra bo, pabia bu tene la utrus ku na sigi nsinamentu di Balaon ku nsina Balak pa i pui fijus di Israel kai na pekadu di kume karni ku matadu pa idulus, tambi di kai ku minjeris.

Apokalipsi 2:20

Ma kusa ku N tene kontra bo, suma ku bu disa ki minjer Jezabel ku fala kuma i anunsiadur. I na nsina, i na ngana ña servus pa e fasi pekadu seksual, tambi pa e kume karni ku matadu pa idulus.