1 Koríntius 7:35 - BIBLIA - traduson antigu in Krioulo

³⁵ Suma ku N fala asin, N ka misti pa bo fika prezu, ma N misti juda bos pa bo fasi kusa diritu, limpu, ku bo ka ta fika mbaransadu ku nada, pa bo pudi sirbi Siñor.

1 Koríntius 7:35 ပူးပေါင်းရင်းမြစ်များ

Mateus 19:12

I ten jinti ku ka pudi kasa pabia e padidu asin. Utrus, i omis ku pui elis e ka pudi kasa; utrus nega kasamenti pabia di renu di seu. Kin ku pudi seta e kusa, i ta setal.”

Mateus 22:15

Utru fariseus fasi un runion, e ruma entri elis kuma ke pudi paña Jesus na si propi palabra.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Lukas 8:14

Simentera ku kai na metadi di fididas i mostra kilis ku obi; mas dianti, kudadis ku rikesa ku sabura de vida e ta perta elis, e ka ta padi frutu diritu.

1 Koríntius 7:2

ma, pabia i ten manga di pekadu seksual, kada omi dibi di tene si propi minjer; minjer tambi si propi maridu.

1 Koríntius 7:28

ma si bu kasa, i ka kuma bu peka. Si bajuda kasa, tambi i ka peka, ma tudu ku kasa na sufri kansera na kurpu. I el ku N misti libra bos del.

1 Koríntius 7:36

Na kasu di omi ku si bajuda ke ka kasa, si omi sinti kuma i ka na trata ben ku si bajuda, suma ki na pasa idadi di kasa, omi tambi i na sinti vontadi di kasa, i pudi kasa suma i misti; i ka na peka.

Efésius 5:3

Pekadu seksual ku tudu koldadi vida susu ku kubisa, i ka bon pa i comadu na bo metadi, suma ku bo sedu pobu di Deus.

Filipensis 4:8

Pa kabanta, ña ermons, bo inci bo kabesa ku tudu kusa ki di bardadi, retu, justu, puru, bon, tudu ku pudi amadu, tudu ki di bon fama, tudu ku mersi ngaba; bo pensa ne kusas.

1 Timótiu 1:10

kilis ku ta yanda na vida susu, kilis ku ta torkia atu seksual, furtaduris di jinti, munturusis, ku kilis ku ta lantanda falsu tustumuñu, pa tudu kil ki kontra bon nsinamentu

Titu 2:3

Minjeris beju tambi, konsija elis pa e yanda ku rispitu pa Deus, pa ka e konta mintida pa utru, nin pa ka e bibi biñu ciu, pa e nsina kil ki bon,