1 Koríntius 7:34 - BIBLIA - traduson antigu in Krioulo

³⁴ Asin i ta tene dus pensamentu. Un bajuda o un minjer ku ka kasa, i ta kuda son na tarbaju di Siñor. Si vontadi i pa ntregal si kurpu ku si spiritu, ma minjer kasadu, si kudadi i son na kusas de mundu, kuma ki pudi fasi si omi kontenti.

1 Koríntius 7:34 ပူးပေါင်းရင်းမြစ်များ

Bon Noba di Jesus Kristu ku Jon 10:13

Mpregadu ta kuri pabia el i mpregadu son, i ka ta mporta ku karnel.

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

1 Koríntius 6:20

pabia bo kumpradu ku bon pres. Bo ta tene bo kurpu pa gloria di Deus.

1 Koríntius 7:33

ma omi kasadu i ta kuda na kusa di mundu, kuma ki na fasi si minjer kontenti.

1 Koríntius 7:35

Suma ku N fala asin, N ka misti pa bo fika prezu, ma N misti juda bos pa bo fasi kusa diritu, limpu, ku bo ka ta fika mbaransadu ku nada, pa bo pudi sirbi Siñor.

2 Koríntius 11:28

Fora de kusas ku N pasa na kurpu, kudadi di tudu igreẑas i na pesa riba di mi kada dia.

2 Koríntius 8:16

No na fala Deus obrigadu manera ki pui mesmu diseẑu na korson di Titu suma no ten, pa juda bos.

Filipensis 1:20

Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑen gosi, suma pa sempri, pa garandesa di Kristu pudi ojadu klaru na ña kurpu, si i pa vida o si i pa mortu.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

1 Timótiu 3:5

pabia si algin ka sibi guberna si familia propi, kuma ki pudi toma konta di igreẑa di Deus?

1 Timótiu 5:5

Viuva ku na bardadi ka tene ningin, ma i dingi, i ta pui si speransa na Deus, i kontinua di noti ku di dia na orason, i na pidi Deus ajuda,

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.