1 Koríntius 7:31 - BIBLIA - traduson antigu in Krioulo

³¹ Kilis ku ta okupa ku tarbaju de mundu li, pa ka e fika suma kin ku maradu nel, pabia mundu, na manera ki sta gosi, i ka na tarda, i na pasa.

1 Koríntius 7:31 ပူးပေါင်းရင်းမြစ်များ

Salmus 39:6

I ta yanda suma sombra, i ta turmenta amonton. I ta junta rikesas sin sibi kin ku na bin tenel.

Salmus 73:20

Suma ku algin ta fasi ku un suñu, dipus ki korda, asin, o SIÑOR, ora ku bu korda, bu na njuti elis.

Eklesiastis 1:4

Un manjuandadi ta lanta, i muri; utru ta lanta, ma mundu sempri i ta fika.

Eklesiastis 11:2

Rapati bu nogos ku seti o oitu, pabia bu ka sibi kal mal ku na bin na mundu.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

1 Koríntius 7:29

Ke ku N misti fala bos, ermons, kuma tempu sta kurtu. Gosi, kil ku tene minjer, pa i sta suma i ka tene.

1 Koríntius 7:30

Kilis ku na cora, pa e sedu suma e ka na cora; kilis ku sta kontenti pa e fasi suma e ka kontenti; kilis ku na kumpra, suma e ka na rakada.

1 Koríntius 9:18

Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

Ebreus 12:27

Agora e palabra “mas un bias” mostra kuma kusas ku ta bulbuli, ku sedu kusas ku kumpudu, e na mundantadu, pa kilis ku ka ta bulbuli pudi fika.

Tiagu 4:14

Ma nin bo ka sibi ke ku na sedu amaña. Ke ki bo vida? Bo sedu suma un fumu ku lanta; un bokadu i ta pirdi.

1 Pedru 1:24

Suma ku Skritura fala: “Tudu jinti i suma paja, tudu si bonitasku suma flor di matu. Paja ta seku, flor ta kai,

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

1 Jon 2:17

E mundu na pasa, ku tudu si diseẑus mau, ma kil ku na fasi vontadi di Deus i na fika pa sempri.