1 Koríntius 7:21 - BIBLIA - traduson antigu in Krioulo

²¹ Si bu comadu ocau katibu, ka bu kuda kila, ma si bu ten manera di fika libri, purbita.

1 Koríntius 7:21 ပူးပေါင်းရင်းမြစ်များ

Lukas 12:29

“Asin, ka bo fadiga pa punta-punta ke ku bo na kume, o ke ku bo na bibi,

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

1 Koríntius 12:13

Anos tudu no batisadu na un Spiritu, pa no forma un kurpu son, judeus ku gregus, katibus ku kilis ku sta libri. I ki un Spiritu ku dadu pa nos tudu no bibi nel.

1 Koríntius 7:20

Kada un pa i fika na stadu ki comadu nel.

1 Koríntius 7:22

Kil ku Siñor coma, mesmu ki sedu katibu, i omi libri ku pertensi Siñor. Kil tambi ku comadu, nin ki sedu libri, i katibu di Kristu.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Filipensis 4:11

N ka na fala asin suma N ten falta, pabia N nsina sta kontenti ku kil ku N tene.

Filipensis 4:6

Ka bo fadiga ku nada, ma na tudu bo orason bo pidi Deus pa kil ku bo pirsisa del; bo pidil ku korson di gardisimentu.

Kolosensis 3:11

Ali i ka ten separason entri gregu ku judeu, entri kil ku sirkunsidadu ku kil ku ka sirkunsidadu, entri stranjeru ku jintiu brabu, entri katibu ku libri, ma Kristu i tudu; i sta na tudu.

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”

1 Pedru 5:7

Bo pui tudu bo kudadi riba del, pabia i ta toma konta di bos.