1 Koríntius 7:11 - BIBLIA - traduson antigu in Krioulo

¹¹ ma si i bandonal, pa i fika sin kasa, o nta pa i torna ku si maridu. Maridu tambi pa ka i larga si minjer.

1 Koríntius 7:11 ပူးပေါင်းရင်းမြစ်များ

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Jeremias 3:1

SIÑOR fala: “Si un omi dispidi si minjer, kila sai na si mon, i bai kasa ku utru omi, ki purmeru omi ka pudi torna risibil. Si i fasi es, i na kontamina tudu tera. Ma abo, Israel, ku na yanda na mau vida ku manga di amanti, bu misti riba pa mi?

Mateus 5:32

Ma N na konta bos: tudu omi ku kaba ku si minjer, si i ka pabia i pañal cai, i na pul pa i fasi adulteriu. Kil ku kasa ku minjer ku dispididu, i na fasi adulteriu.

Markus 10:12

Si i minjer ku nega tambi si omi, i kasa ku utru, i na fasi adulteriu.”

Markus 10:2

Utru fariseus bai pa el pa spurmental, e puntal: “Lei ta disa pa un omi kaba ku si minjer?”

Lukas 16:18

“Un omi ku disa si minjer, i kasa ku utru, i sta na adulteriu. Kil ku kasa ku minjer ku si omi nega, i sta na adulteriu tambi.

1 Koríntius 7:10

Pa kilis ku kasadu, N tene mandamentu, ma i ka di mi, i di Siñor, kuma minjer ka dibi di bandona si maridu,

1 Koríntius 7:12

Pa utrus N na fala (ma i ka suma i Siñor ku na fala): si un ermon tene minjer ki ka krenti, si minjer seta fika ku el, pa ka i largal.

Ripitison di Lei 22:19

e pul paga multa di sen mueda di prata pabia i disfama un bajuda di Israel. E na da ki diñeru pa pape di minjer. Dipus i na fika ku ki minjer; i ka na pudi dispidil tok mortu rapati elis.