1 Koríntius 6:3 - BIBLIA - traduson antigu in Krioulo

³ Bo ka sibi kuma no ten ku bin julga anjus? Ku fadi kusa ku pertensi e vida?

1 Koríntius 6:3 ပူးပေါင်းရင်းမြစ်များ

Salmus 17:14

ku bu mon, salban di omis de mundu, omis ku tene se kiñon ne vida. Se bariga ta inci ku bu rikesa; se fijus ta farta. Kil ku sobra, e ta disa pa se netus.

Daniel 7:22

tok kil ku sta sempri bibu bin ciga. Justisa fasidu na fabur di pobu di ki Deus ku sta riba di tudu; tempu ciga ku elis e bin tene renu.

Mateus 25:41

“Dipus i na fala tambi kilis ku sta na si skerda: ‘Bo lunjusi di mi, maldisuadus, pa fugu ku ka ta paga, ku purparadu pa diabu ku si anjus,

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Lukas 8:14

Simentera ku kai na metadi di fididas i mostra kilis ku obi; mas dianti, kudadis ku rikesa ku sabura de vida e ta perta elis, e ka ta padi frutu diritu.

Romanus 6:16

Nta bo ka sibi kuma, ora ku bo ntrega bo kurpu suma katibu pa sirbi algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu.

1 Koríntius 6:15

Bo ka sibi kuma bo kurpu fasi parti di kurpu di Kristu? Nta N na toma parti di kurpu di Kristu pa N fasil parti di algin di mau vida? Di nin un manera!

1 Koríntius 6:16

O bo ka sibi kuma, kil ku junta ku algin di mau vida, i ta junta un kurpu son ku el? Skritura fala kuma elis dus e ta forma un kurpu son.

1 Koríntius 6:19

Nta bo ka sibi kuma bo kurpu i santuariu di Spiritu Santu ku Deus da bos, ku mora na bos? I ka abos ku tene bo kabesa,

1 Koríntius 6:4

Nta si bo tene kualker palabra ne vida kontra bo kumpañer, bo ta lebal na kilis ku ka ten nin un lugar na igreẑa?

2 Timótiu 2:4

Soldadu na sirvis militar i ta misti pa si kapiton kontenti ku el. Asin i ka ta mbaransa ku kusas di vida sivil.

2 Timótiu 4:10

pabia Demas ama e mundu di gosi, i bandonan, i bai pa Tesalónika. Kresenti bai pa Galásia, Titu pa Dalmasia.

2 Pedru 2:4

Deus ka purda anjus ku peka, ma i bota elis na nfernu, i mara elis ku korenti na kau sukuru, guardadu pa dia di juisu.

Judas 1:6

Suma tambi anjus ku ka fika dentru di otridadi ke dadu, ma e nega se propi lugar, Deus rakada elis bas di sukuru, maradu pa sempri ku korenti, pa e julgadu na ki garandi dia.