1 Koríntius 5:8 - BIBLIA - traduson antigu in Krioulo

⁸ Asin no na fasi festival di lembransa di Paskua; i ka ku pon di fermentu beju di pekadu ku malisia, ma ku pon ku ka tene fermentu, pon di puresa ku bardadi.

1 Koríntius 5:8 ပူးပေါင်းရင်းမြစ်များ

Salmus 32:2

Sortiadu i ki omi ku SIÑOR ka oja kulpadu, ku si spiritu ka ten nganu.

Salmus 42:4

N ta sinti ña korson na kebra ora ku N lembra manera ku N ta baiba ku manga di jinti pa kasa di Deus, oca ku N ta kantaba ku kontentamentu pa ngaba Deus, na metadi di manga di jinti ku na baiba festival.

Saida 12:15

Bo na kume pon sin fermentu pa seti dia. Na purmeru dia bo tira fermentu di bo kasas, pabia kualker algin ku kume pon ku fermentu disna di purmeru dia te setimu dia i na tiradu na Israel.

Saida 12:19

Pa seti dia fermentu ka na ojadu na bo kasas, pabia kualker algin ku kume pon ku fermentu i na tiradu na kumunidadi di Israel, mesmu ki sedu stranjeru o natural.

Saida 12:8

Na ki di noti e na kume ki karni yasadu na fugu, ku pon sin fermentu ku ortalisa ku tene gustu forti.

Saida 13:6

Seti dia bo kume pon sin fermentu. Na setimu dia bo ta tene festival pa SIÑOR.

Saida 13:7

Son pon sin fermentu ku na kumedu na ki seti dia. Pon ku fermentu nin fermentu ka na ojadu na bo metadi, nin na tudu bo tera.

Isaias 25:6

Ne monti SIÑOR ku ten tudu puder na purpara pa tudu nasons un festa di kumida riku, un festa ku biñu beju, ku karni gurdu ku biñu mas puru.

Isaias 30:29

Ma na bo metadi i na ten kantiga, suma na noti di festival sagradu. Bo korson na kontenti suma di kilis ku na sai e na toka flauta pa bai pa monti di SIÑOR, pa Deus ku sedu Roca di Israel.

Sirmonias 23:6

Na dia 15 di ki mesmu mis festival di SIÑOR di pon sin fermentu i na kumsa. Duranti seti dia bo na kume pon ku ka tene fermentu.

Mateus 16:12

E kumsa ntindi kuma Jesus ka fala elis pa e libra di fermentu di pon, ma di nsinamentu di fariseus ku saduseus.

Mateus 16:6

Jesus fala elis: “Bo toma sintidu, bo libra di fermentu di fariseus ku saduseus.”

Markus 8:15

Jesus avisa elis, i fala: “Bo toma sintidu, bo libra di fermentu di fariseus ku fermentu di Erodis.”

Lukas 12:1

I junta un multidon di milyaris di jinti, tok e na masa ŋutru. Jesus kumsa na papia purmeru ku si disipulus, i fala elis: “Bo toma sintidu ku fermentu di fariseus, ku sedu finjimentu.

Bon Noba di Jesus Kristu ku Jon 1:47

Jesus oja Natanael na bin pa el, i falal: “Ali un israelita puru ku ka ten finjimentu.”

1 Koríntius 3:3

pabia bo na yanda inda suma jinti de mundu. Manera ku na bo metadi i ten inda nveẑa ku jus, bo ka sedu nan jinti di mundu? Bo ka na yanda suma utru jinti?

1 Koríntius 5:1

Noba pajiga kuma na bo metadi i ten susidadi garandi dimas, ku nin kil ku ka kunsi Deus ka ta fasi, kuma utru sta juntu ku minjer di si pape.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 8:8

N ka na da ordi, ma N na konta kuma ku utrus sta pruntu pa juda, pa N jubi si bo amor i di bardadi.

Efésius 6:24

tambi pa fabur di Deus sta ku tudu kil ku ama no Siñor Jesus Kristu ku amor di bardadi.

Ripitison di Lei 16:16

Tudu omi ten ku pursenta dianti di SIÑOR bu Deus tris bias kada anu, na kau ku SIÑOR kuji: na festival di pon sin fermentu, festival di semanas ku festival di barakas. E ka na pursenta na ki festival dianti di SIÑOR mon limpu.

Ripitison di Lei 16:3

Ka bu kume pon ku kumpudu ku fermentu juntu ku karni di Paskua, ma pa seti dia bu na kume pon sin fermentu, ku ta comadu pon di sufrimentu, pa bu pudi ba ta lembra sempri di ki dia ku bu sai kinti-kinti na tera di Ejitu.

Josué 24:14

“Asin, bo rispita SIÑOR, bo sirbil ku korson limpu, ku bardadi. Bo bota fora ki deusis ku bo papes sirbiba kontra e staba na utru ladu di riu Eufrates tambi na Ejitu; bo sirbi SIÑOR.

1 Pedru 4:2

Gosi, dias ku sobra bos na vida, bo ka dibi di sigi mau diseẑu di omis di mundu, ma bo dibi di yanda suma ku Deus misti.