1 Koríntius 5:11 - BIBLIA - traduson antigu in Krioulo

¹¹ Gosi N na skirbi bos pa ka bo junta ku kilis ku ta fala kuma e sedu ermons, ma e ta yanda na mau vida, o e ta fasi risu mon, o e adora idulus, o papia mal di utrus, camiduris, o furtaduris; ki koldadi, nin ka bo kume ku elis.

1 Koríntius 5:11 ပူးပေါင်းရင်းမြစ်များ

Salmus 10:3

Omi mau ta sinti orgulyu di si diseẑus. I ta fala ben di kil ku misti tudu; i ta koba mal kontra SIÑOR.

Salmus 101:5

N na kaba ku kil ku na rui si visiñu. N ka na nguenta kil ku ta ronka ku korson di orgulyu.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Mateus 18:17

Si i nega obi elis, konta asuntu na igreẑa. Tambi si i nega obi igreẑa, tratal suma algin ku ka kunsi Deus, suma kobradur di mpustu.

Mateus 23:25

“Koitadi di bos, pursoris di lei ku fariseus, finjiduris! Bo ta limpa kopu ku pratu pa fora, ma pa dentru i inci furtu ku kubisa.

Lukas 18:11

Fariseu firma na un kau, i na oraba ku si kabesa de manera: ‘O Deus, N ta falau obrigadu, pabia N ka sedu suma utru jinti, ku ta furta, ku ta fasi mal, ku ta kiri minjeris di jinti; nin N ka sedu suma e kobradur di mpustu.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Atus 1:15

Na ki dias, na un runion nunde ku kuas sentu i vinti disipulu junta, Pedru lanta na se metadi, i fala:

Atus 9:17

Ananias bai, i yentra na kasa, i pul mon, i falal: “Ermon Saulu, Siñor Jesus, ku bu oja na kamiñu oca ku bu na bin, i mandan pa bu pudi torna oja, bu inci di Spiritu Santu.”

Romanus 13:13

No yanda onestu, suma kin ku na yanda di dia. Ka no yanda na wukesa, na camidera, na vida susu, na puku borgoña, na jusia, nin na nveẑa,

Romanus 16:17

Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

1 Koríntius 10:14

Asin ña kiridu ermons, bo kuri di adora iran.

1 Koríntius 11:21

pabia, ora ku bo na kume, kada un ta jumna si kumpañer pa kume di sil; utru ta fika ku fomi, utru ta cami.

1 Koríntius 6:10

Ka bo ngana bo kabesa, pabia kilis di mau vida, kilis ku ta adora idulus, kilis ku ta fasi pekadu seksual, kilis ki omoseksual, ladrons, kilis ku risu mon, camiduris, kobaduris di mal ku nturjons, e ka na ten parti na renu di Deus.

1 Koríntius 6:6

Ma un ermon ta leba si ermon na justisa dianti di kilis ki ka krentis!

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

1 Koríntius 7:12

Pa utrus N na fala (ma i ka suma i Siñor ku na fala): si un ermon tene minjer ki ka krenti, si minjer seta fika ku el, pa ka i largal.

1 Koríntius 7:15

Si maridu o minjer ki ka krenti misti separa di kil ki krenti, i pudi separa. Asin maridu o minjer ki krenti i ta fika libri di obrigason, pabia Deus comanu pa pas.

1 Koríntius 8:11

Asin bu “ntindimentu” ta pui bu ermon fraku pa i pirdi, kil ku Kristu muri pa el.

Gálatas 2:12

Antis di ciga kilis ku Tiagu manda, i ta kumeba ku kilis ki ka judeus, ma oca ke ciga, i fika i na kuri, i ka kume mas ku elis, pabia i medi kilis ku na nsina kuma tudu krenti dibi di sirkunsidadu.

Efésius 5:18

Ka bo cami biñu ku ta dana vida, ma bo inci ku Spiritu Santu.

Efésius 5:5

Bo pudi ten sertesa kuma, algin ku ta fasi pekadu seksual, o kil ku tene vida susu, o kil ku ten kubisa (ki suma idulatria), i ka pudi pertensi renu di Kristu, ku sedu renu di Deus.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

2 Tesalonisensis 3:14

Si algin ka seta palabra de karta, bo rapara si dunu diritu. Ka bo ten kumitison ku el, pa i pudi burguñu.

2 Tesalonisensis 3:6

Ermons, no manda bos na nomi di no Siñor Jesus Kristu pa bo lunjusi di tudu ermon ku na yanda na prigisa, ku ka ta sigi nsinamentu ku no dal.

1 Timótiu 3:3

I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima pa diñeru.

1 Timótiu 6:5

ku diskutison ku ka ta kaba, di jinti ku se kabesa ka na tarbaja diritu; e ka ten ja bardadi. E ta kuda kuma riliẑion i fonti di ngañu.

2 Jon 1:10

Si algin bin nunde bos, i ka tisi e nsinamentu, ka bo risibil na kasa, nin ka bo falal manteña di ermondadi,

Apokalipsi 2:14

Ma N ten utru kusas kontra bo, pabia bu tene la utrus ku na sigi nsinamentu di Balaon ku nsina Balak pa i pui fijus di Israel kai na pekadu di kume karni ku matadu pa idulus, tambi di kai ku minjeris.

Apokalipsi 2:20

Ma kusa ku N tene kontra bo, suma ku bu disa ki minjer Jezabel ku fala kuma i anunsiadur. I na nsina, i na ngana ña servus pa e fasi pekadu seksual, tambi pa e kume karni ku matadu pa idulus.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.