1 Koríntius 4:9 - BIBLIA - traduson antigu in Krioulo

⁹ I parsin kuma anos apostolus, Deus punu tras. No sedu suma omis kondenadu pa muri na rua na uju di tudu mundu, na uju di anjus ku di jinti.

1 Koríntius 4:9 ပူးပေါင်းရင်းမြစ်များ

Salmus 44:22

Pa amor di bo no sta na pirigu di mortu tudu dia; no na parsintidu suma karnel ku na bai matadu.

Salmus 71:7

Pa manga di jinti N sedu un sinal, ma abo, bu sedu ña kau forti di suguransa.

Jeremias 20:18

Kuma ku N sai na bariga di ña mame pa N oja kansera ku tristesa, pa kabanta ña vida na borgoña?

Atus 19:29

Tudu prasa fika turmentadu. Jinti paña Gaiu ku Aristarku di Masedonia, kumpañeris di Paulu na bias, e kuri ku elis pa salon di tiatru.

Atus 19:31

Tambi utru otridadis di Asia ku seduba si amigus e manda pidil pa ka i bai pa ki salon.

Romanus 8:36

Suma ki sta skritu: “Pa amor di bo no sta na pirigu di mortu tudu dia; no na parsintidu suma karnel ku na bai matadu.”

1 Koríntius 15:19

Si Kristu danu speransa son pa e mundu, no koitadi mas di ki tudu jinti!

2 Koríntius 11:23

E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

2 Koríntius 6:9

No sedu jinti diskuñisidu ku tudu jinti kunsi; i suma no muri ma inda no bibu; no kastigadu ma no ka matadu;

1 Tesalonisensis 3:3

pa ka ningin bulbuli pabia de pirsigison, pabia abos propi bo sibi kuma es i kusa ku markadu pa nos.

Ebreus 1:14

Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.

Ebreus 10:33

Utru ora bo ta kobadu, bo ta maltratadu dianti di tudu jinti; utru ora bo fika na ladu di kilis ku na tratadu de manera.

Ebreus 11:36

Utrus fasidu trosa, e sutadu; utrus pudu korenti, e ficadu na kalabus.