1 Koríntius 4:7 - BIBLIA - traduson antigu in Krioulo

⁷ Kin ku ta diferensiau? Ke ku bu tene ku bu ka dadu el? Si bu dadu el, ke ku manda bu na njata suma bu ka patidu nan el?

1 Koríntius 4:7 ပူးပေါင်းရင်းမြစ်များ

Ditus 2:6

pabia SIÑOR i ta da jiresa; di si boka i ta bin kuñisimentu ku ntindimentu.

Ezekiel 29:3

bu fala elis kuma asin ku SIÑOR Deus fala: ‘Faraó, rei di Ejitu, alin li kontra bo, lagartu garandi ku dita na metadi di bu rius. Bu fala kuma Riu Nilu i di bo; i abo ku kumpul pa bu kabesa.

Daniel 5:18

Ñu Rei, Deus ku sta riba di tudu i da bu pape Nabukodonosor un renu, ku garandesa, gloria ku rikesa.

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Lukas 19:13

Antis di bai, i coma si des servu, i da kada kin un mueda di uru, i fala elis: ‘Bo bai nogosia tok N bin.’

Bon Noba di Jesus Kristu ku Jon 1:16

Anos tudu no risibi di si rikesa; i danu benson ripitidu.

Bon Noba di Jesus Kristu ku Jon 3:27

Jon ruspundi: “Ningin ka pudi risibi nada si Deus ka dal el.

Romanus 1:5

Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

Romanus 12:6

No ten diferenti dons suma ku Deus patinu. Asin si algin ten don di anunsia rekadu di Deus, i ta tarbaja ku el konformi fe ki ten.

1 Koríntius 15:10

ma fabur di Deus fasin kil ku N sedu. Deus ka dan e fabur sin purbitu, pabia N tarbaja mas di ki elis tudu. Ma i ka ami; i fabur di Deus ku na tarbaja ku mi.

1 Koríntius 3:5

Afinal, kin ki Apolu? Kin ki Paulu? Son servus di Deus ku bo konvertiba pabia delis. Kada un tarbaja konformi Siñor dal.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

1 Koríntius 7:7

pabia N mistiba pa tudu omi sedu suma mi, ma kada kin tene si don ku Deus dal, un de manera, utru di utru manera.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

1 Pedru 4:10

Bo sedu bon nkargadus di manga di koldadi don ku Deus da bos. Kada un ta sirbi ŋutru ku don ki risibi.