1 Koríntius 4:6 - BIBLIA - traduson antigu in Krioulo

⁶ Ermons, pa N juda bos ntindi e kusas li ku manda N toma isemplu di mi ku Apolu, pa bo pudi sibi ke ku signifika e ditadu ku fala asin: “Ka bu pasanta mas di kil ku sta skritu,” pa ka bo yalsa un, bo baŝa utru.

1 Koríntius 4:6 ပူးပေါင်းရင်းမြစ်များ

Salmus 146:3

Ka bu fiansa na reis, nin na omis, pabia e ka pudi salba.

Salmus 8:4

N ta punta: Kin ki omi, pa bu lembra del, o kin ki fiju di omi pa bu intresa del?

Isaias 2:22

Bo para fiansa na omi ku tene vida son na folgu di si naris. Kal balur ki ten?

Atus 18:24

I ciga na Éfesu un judeu ku comadu Apolu, ku padidu na Alesandria; i seduba un omi ku sibi papia ben, ku kunsi Skritura diritu.

Atus 19:1

Oca ku Apolu staba na Korintu, Paulu pasa na tudu reẑion pa ladu di interior, i ciga Éfesu, i oja la utru krentis,

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

1 Koríntius 1:12

kuma entri bos bo na purfia; un ta fala: “Ami i di Paulu;” utru: “Ami i di Apolu;” utru: “Ami i di Sefas;” utru inda ta fala: “Ami i di Kristu.”

1 Koríntius 1:19

I sta skritu kuma Deus fala: “N na kaba ku jiresa di jinti jiru; N na dana ntindimentu di jinti ntindidu.”

1 Koríntius 1:31

Asin, suma ki sta skritu: “Kil ku na njata, pa i njata na Siñor.”

1 Koríntius 13:4

Amor i sufridur, i bon. Amor i ka nveẑosu; amor ka ta njata, i ka orgulyosu,

1 Koríntius 3:19

pabia jiresa de mundu i tulesa dianti di Deus, suma ki sta skritu: “Deus ta paña jirus na se nturjisa.”

1 Koríntius 3:21

Asin, ka ningin njata na omi si kumpañer. Tudu i di bos:

1 Koríntius 5:2

Bo sta sañadu, nin bo ka fika tristi! Bo dibi di tira na bo metadi kil ku na fasi e kusa.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

1 Koríntius 9:23

N ta fasi tudu e kusas pabia di Bon Noba, pa N pudi toma parti nel.

2 Koríntius 10:12

No ka osa justanda no kabesa nin komparal ku kilis ku ta yalsa se kabesa. Elis e tulu. E ta ranja se midida; e ta midi se kabesa, pa komparal ku se midida propi.

2 Koríntius 10:15

No ka ta njata na tarbaju ku utru jinti fasi fora di lugar ku Deus markanu, ma no na pera, suma ku bo fe na kirsi, ku no pudi fasi tarbaju muitu mas garandi na bo metadi, ma sempri dentru di ki midida ku Deus markanu.

2 Koríntius 10:7

Bo na jubi pa kusas suma ki ta parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

2 Koríntius 11:4

pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

2 Koríntius 12:19

Talves tudu e tempu bo kuda kuma no misti difindi dianti di bos, ma no na fala dianti di Deus, suma algin di Kristu. Tudu ku no na fasi i pa juda kumpu bos.

2 Koríntius 12:20

N ten medu pa, ora ku N ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

2 Koríntius 12:6

Si N mistiba njata, N ka na sedu tulu, pabia N na kontaba kil ki bardadi, ma N na disa, pa ka ningin kuda di mi mas di ki kil ki na oja na mi, o ki na obi na ña boka.

2 Koríntius 4:15

Es tudu i pa amor di bos, pa fabur di Deus, ku mas na yangasa jinti, pudi buri orason di gardisimentu pa gloria di Deus.

Kolosensis 2:18

Ka bo seta kondenason di jinti ku ta misti julga bos, ku ta finji umildi, ku ta adora anjus, ku ta fala kuma e oja vison. Ki jinti sta incadu amonton pa se ntindimentu di se propi kabesa,

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

2 Timótiu 2:10

Asin N na sufri tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.