1 Koríntius 4:5 - BIBLIA - traduson antigu in Krioulo

⁵ Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.

1 Koríntius 4:5 ပူးပေါင်းရင်းမြစ်များ

Jo 12:22

I ta mostra kusas fundu na sukuru; i tisi sombra di mortu pa klaridadi.

Ditus 12:8

Si algin sedu jiru, i na ngabadu, ma kil ku tene menti tortu i na njutidu.

Eklesiastis 11:9

Joven, fika kontenti na bu nobresa, bu goza dias di bu juventudi. Yanda na kamiñu di bu korson, ku kil ku bu uju misti, ma ka bu diskisi kuma Deus na julgau pabia di tudu ki kusas.

Eklesiastis 12:14

Deus na bin julga tudu kusa ku fasidu, si i bon o i mau, mesmu kil ku fasidu sukundidu.

Jeremias 16:17

Ña uju sta riba di tudu se kamiñus. Ningin ka pudi sukundi di mi, nin pa kubri si pekadu pa N ka ojal.

Jeremias 23:25

“N obi kil ku ki anunsiaduris na fala ku na anunsia mintidas na ña nomi, e fala: ‘N suña! N suña!’

Oseias 8:13

Ki sakrifisius ke ta patin, e ta mata elis, e kume karni, ma ami, SIÑOR, N ka na seta elis. N na lembra di se maldadi, N na kastiga se pekadus. E na riba pa Ejitu.

Malakias 3:18

Na ki tempu bo na torna oja diferensa di justu ku mau, ku di kil ku ta sirbi Deus ku kil ku ka ta sirbil.”

Mateus 10:26

“Asin, ka bo ten medu delis, pabia i ka ten nada kubridu ku ka na bin diskubridu, nin sukundidu ku ka na bin sibidu.

Mateus 24:30

Ki ora i na ojadu na seu sinal di Fiju di omi. Tudu rasa na mundu na cora; e na oja Fiju di omi na bin riba di nuvens di seu, ku puder ku garandi gloria.

Mateus 24:46

Sortiadu i ki servu ku si patron, ora ki bin, i ojal i na fasi asin.

Mateus 25:21

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 25:23

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Lukas 6:37

“Ka bo julga, bo ka ta julgadu. Ka bo kondena, bo ka ta kondenadu. Bo purda, bo ta purdadu.

Bon Noba di Jesus Kristu ku Jon 21:22

Jesus falal: “Si N misti pa i fika te o ku N bin, ke ku mportau? Sigin abo.”

Bon Noba di Jesus Kristu ku Jon 21:23

I kumsa na papiadu entri ermons e kombersa kuma ki disipulu ka na muriba, ma Jesus ka fala kuma i ka na muri, ma: “Si N misti pa i fika te o ku N bin, ke ku mportau abo?”

Bon Noba di Jesus Kristu ku Jon 5:44

Kuma ku bo pudi setan si bo na risibi rispitu di ŋutru, bo ka na buska rispitu ku bin di kil ki uniku Deus?

Romanus 14:4

Abo i kin ku na julga kriadu di utru? Pa si propi patron ki sta sikidu o ki kai. Ma i na firma, pabia Siñor ten puder pa firmantal.

Romanus 2:1

Abo, omi, kualker ku bu sedu, si bu na julga, bu ka ten diskulpa. Na kil ku bu na julga utru, bu na kondena bu kabesa, pabia bu na fasi suma el.

Romanus 2:16

Asin ki na sedu na dia ku Deus ku Siñor Jesus Kristu ten ku julga sigridu di jinti, suma Bon Noba, ku N ta konta, fala.

Romanus 2:29

ma judeu i kilis ku sedu dentru delis, ku ten se korson purifikadu. I kusa di Spiritu, i ka di letra. Ki koldadi, i ka omi ku na ngaba elis, ma i Deus.

Romanus 2:7

I na da vida ku ka ta kaba pa kilis ku kontinua na fasi ben, e buska gloria ku rispitu, ku vida ku ka na dana,

1 Koríntius 1:7

Asin bo ka falta nin un puder spiritual nkuantu bo na pera pa no Siñor Jesus Kristu bin.

1 Koríntius 11:16

Si algin misti diskuti e kusa li, N pudi kontal kuma no ka ten e kustumu, nin igreẑas di Deus ka tenel.

1 Koríntius 11:26

Kada bias ku bo kume e pon, bo bibi ne kopu, bo ta konta mortu di Siñor te ki bin.

1 Koríntius 15:23

Kada kin na lantandadu na si ordi: Kristu purmeru; dipus, ora ki bin, kilis ki di sil.

1 Koríntius 3:13

Dia di Kristu na mostra klaru tarbaju di kada kin. I fugu ku na mostral; ki fugu na proba tarbaju di kada kin pa jubi i kal koldadi.

1 Koríntius 3:14

Si kil ku algin kumpu riba di ki alisersu i ka kema na fugu, si dunu ta risibi pagamentu,

1 Koríntius 3:8

Kil ku paranta ku kil ku regua, elis i un son. Kada un na risibi si pagamentu konformi si tarbaju.

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

2 Koríntius 10:9

N ka misti pa i parsi kuma N na miti bos medu ku ña kartas.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

2 Koríntius 5:10

pabia anos tudu no ten ku parsi dianti di tribunal di Kristu, pa kada kin risibi konformi i fasi na kurpu, ben o mal.

1 Tesalonisensis 5:2

pabia abos propi bo sibi kuma Dia di Siñor na bin suma ku ladron ta bin di noti.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

Tiagu 4:11

Ermons, ka bo fala mal di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

Tiagu 5:7

Asin ermons, bo ten pasensa te ora ku Siñor na bin. Bo oja kuma ku labradur ta pera pa si con da bon frutu. I ta pera ku pasensa tok i risibi purmeru cuba ku kil di kabantada.

Tiagu 5:9

Ka bo keŝa kontra ŋutru, ermons, pa ka bo bin julgadu. Bo oja juis na porta ja.

1 Pedru 1:7

E probason i pa mostra kuma bo fe i di bardadi, pa i pudi mersi lovor ku gloria ku onra na dia ku Jesus Kristu na bin. Uru ku un dia ta kaba i ta probadu na fugu. Fe ku probadu ten garandi balur mas di ki uru.

1 Pedru 5:4

Ora ku Ŝef di Pastoris bin, bo na risibi koroa di gloria ku ka ta murca.

2 Pedru 3:12

ora ku bo na pera Dia di Deus. Bo ba ta fasi forsa pa ki dia ciga dipresa, ku seus na kema, e na pajiga; strelas na yardi, e na ribi.

2 Pedru 3:4

e na ba ta punta: “I ka fala kuma i na bin? Nunde ki sta? Desdi ku no papes muri, tudu kusas sta inda suma na tempu ku mundu kumpudu.”

Judas 1:14

Enok tambi, ki di seti jorson dipus di Adon, i anunsia aserka de jinti, i fala: “Bo jubi, Siñor na bin ku milyaris di si santus,

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.

Apokalipsi 20:12

N oja mortus, garandis ku pikininus, sikidu dianti di tronu. Librus yabridu. I yabri mas utru libru, kil ku tene nomi di bibus. Mortus julgadu pa kusas ku skirbidu na ki librus, konformi kusas ke fasi.