1 Koríntius 4:21 - BIBLIA - traduson antigu in Krioulo

²¹ Kal ku bo misti? Pa N bai nunde bos ku mantampa, o ku amor ku spiritu mansu?

1 Koríntius 4:21 ပူးပေါင်းရင်းမြစ်များ

1 Koríntius 4:18

Utrus na yanda sañadu, suma ku N ka na torna bai nunde bos,

1 Koríntius 5:5

bo ta ntrega Satanas ki algin, pa kaba ku si kurpu, pa si alma pudi salba na Dia di Siñor.

2 Koríntius 1:23

N coma Deus pa ña tustumuña; el i kunsi ña korson. Pa popa bos ku manda N ka bai Korintu te gosi.

2 Koríntius 10:6

Ora ku bo sta pruntu pa obdisi, no sta tambi pruntu pa kastiga tudu disobdiensia.

2 Koríntius 10:8

Nin ku N njata ciu pabia di otridadi ku Siñor dan pa N juda bos (i ka pa dana), N ka na burguñu.

2 Koríntius 12:18

N roga Titu pa i visita bos; N manda ki utru ermon ku el. Nta Titu splora bos? No ka na yanda na mesmu spiritu? No ka na fasi di mesmu manera?

2 Koríntius 13:10

E ku manda N skirbi e kusas suma ku N ka sta la, pa, ora ku N bai, pa ka i pirsis pa N trata bos ku duresa, konformi otridadi ku Siñor dan. I dan el pa N kumpu; i ka pa dana.

2 Koríntius 13:2

Sugundu bias ku N bai, N avisa bos un kusa oca N staba la. Gosi ku N ka sta la, N na torna avisa kilis ku tarda peka, ku tudu utru jinti, kuma si N torna bai, N ka na diskulpa elis.

2 Koríntius 2:1

Asin N rezolvi pa N ka bai mas nunde bos ku tristesa,

2 Koríntius 2:3

E ku manda N skirbi bos ki karta. N ka mistiba bai la, pa jinti ku dibi di fasin alegri pa e fasin tristi. N fiansa kuma, si ami N sta kontenti, abos tudu bo ta sta kontenti tambi.

2 Koríntius 3:10

Pabia di gloria mas garandi di gosi, ki gloria ku na lampraba purmeru i fusku.

Gálatas 6:1

Ña ermons, si un algin ciga di kai di repenti na un kulpa, abos ku na yanda diritu ku Deus bo dibi di ndirital ku mansesa. Bo jubi pa bo kabesa, pa ka bo bin sedu tentadu tambi.

1 Tesalonisensis 2:7

Ocanuba ku bos, no sedu di pasensa, suma mame ku na kria si fiju ku mimu.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.