1 Koríntius 4:17 - BIBLIA - traduson antigu in Krioulo

¹⁷ Pabia des N na manda bos Timótiu, ña fiju ku N ama; i fiel na Siñor; i ta juda bos lembra nsinamentu di kamiñu ku N ta yanda nel juntu ku Kristu, ku N ta nsina tambi na tudu parti, na kada igreẑa.

1 Koríntius 4:17 ပူးပေါင်းရင်းမြစ်များ

Ditus 13:17

Si un algin ku ta leba rekadu i mau, i ta kai na mal, ma mbaŝadur fiel i ta tisi pas.

Numerus 12:7

Ma i ka asin ku N ta fasi ku ña servu Moisés, ku sedu fiel na si tarbaju pa tudu ña pobu.

Mateus 24:45

“I tenba un servu jiru, di fiansa, ku si patron pui riba di utru servus di kasa, pa i pudi da elis se kumida na ora sertu.

Mateus 25:21

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 25:23

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Atus 16:1

I ciga na Derbi ku Listra. I staba la un krenti ku comadu Timótiu, fiju di un minjer judeu, krenti, ma si pape i gregu.

1 Koríntius 11:16

Si algin misti diskuti e kusa li, N pudi kontal kuma no ka ten e kustumu, nin igreẑas di Deus ka tenel.

1 Koríntius 11:2

Ami N ngaba bos pabia na tudu bo ta lembra di mi, suma ku bo obdisi nsinamentu ku N pasanta pa bos,

1 Koríntius 11:34

Si algin tene fomi, pa i kume na si kasa, pa ora ku bo junta, bo ka kai na kondenason. Restu di kusas, ora ku N ciga la, N ta ruma elis.

1 Koríntius 14:33

pabia Deus i ka Deus di kunfuson, ma i Deus ku ta da pas. Suma na tudu juntamentu di pobu di Deus,

1 Koríntius 16:1

Aserka di kusa di oferta pa juda krentis na Jerusalen, bo dibi di fasi suma ku N da ordi pa igreẑas na Galásia.

1 Koríntius 16:10

Si Timótiu ciga la, bo fasil pa i sinti a vontadi na bo metadi, pabia i sta na tarbaju di Siñor suma mi.

1 Koríntius 4:14

N ka skirbi asin pa N pasanta bos borgoña; N fasil pa N konsija bos suma ña fijus propi ku N ama.

1 Koríntius 4:15

Nin ku bo teneba des mil pursor na vida kriston, bo ka tene manga di pape, ma na kamiñu di Jesus Kristu abos i ña fijus manera ku N konta bos Bon Noba.

1 Koríntius 4:2

Agora no na pera kuma un nkargadu dibi di ojadu fiel.

1 Koríntius 7:17

Kada un dibi di kontinua vivi konformi don ku Siñor dal, suma ki staba oca Deus comal. Es ku N ta nsina na tudu igreẑa.

1 Koríntius 7:25

Aserka di kilis ki solteru, N ka tene ordi di Siñor, ma N ta da ña opinion, suma kin ki di fiansa pabia di miserikordia di Siñor.

2 Koríntius 8:18

Juntu ku el no na manda un ermon di garandi rispitu na tudu igreẑa, pabia di konta Bon Noba.

Efésius 6:21

Tíkiku, no ermon ku no ama, servu fiel na tarbaju di Siñor, i na da bos tudu noba di mi, pa bo pudi sibi kuma ku N sta, ku ke ku N na fasi.

Filipensis 2:19

Si i vontadi di Siñor Jesus, N spera kuma N ka na tarda pa manda bos Timótiu, pa N pudi fika animadu pa obi bo noba.

Filipensis 2:22

Abos propi bo sibi kuma ki da proba di si balur, manera ki tarbaja ku mi na sirvis di Bon Noba suma fiju ku si pape.

Kolosensis 1:7

Epafras, no kumpañer na tarbaju, servu fiel di Kristu, ku bai na no konta, i na nsina bos aserka de grasa.

Kolosensis 4:9

No fiel ermon amadu, Onésimu, ki un di bos, i na bai juntu ku el. E na da bos noba di tudu ku na pasa li.

1 Timótiu 1:18

Ña fiju Timótiu, N pui e kargu riba di bo, konformi palabras di rekadu di Deus ku daduba aserka di bo. Usa ki palabras suma arma pa fasi bon gera.

1 Timótiu 1:2

N misti pa Deus no Pape ku Kristu Jesus no Siñor dau fabur, miserikordia ku pas.

2 Timótiu 1:2

N na skirbi pa Timótiu, ña fiju ku N ama. N misti pa Deus no Pape ku Kristu Jesus no Siñor dau fabur, miserikordia ku pas.

2 Timótiu 2:2

Bu obi ña nsinamentu dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

2 Timótiu 3:10

Ma abo, bu rapara sempri ña nsinamentu, manera di yanda, sintidu ku N ten, fe, pasensa, amor, firmesa,

Titu 1:5

N fikau na Kreta pa bu pudi pui na ordi kusas ku falta inda, pa bu kuji presbíterus na kada tabanka. Suma ku N mandau,

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.