1 Koríntius 4:15 - BIBLIA - traduson antigu in Krioulo

¹⁵ Nin ku bo teneba des mil pursor na vida kriston, bo ka tene manga di pape, ma na kamiñu di Jesus Kristu abos i ña fijus manera ku N konta bos Bon Noba.

1 Koríntius 4:15 ပူးပေါင်းရင်းမြစ်များ

Numerus 11:12

Nta i ami ki pape di tudu e jinti? Ami ku padi elis, ku manda bu falan pa N bambu elis suma ku minjer ta bambu fiju ki na kria, N leba elis te na tera ku bu jurmenta pa se papes kuma bu na da elis?

Romanus 15:20

Asin N fasi forsa pa N konta Bon Noba na lugaris ku nunka e ka obi faladu di nomi di Kristu, pa N ka kumpu riba di alisersu di utru,

1 Koríntius 1:30

Deus junta bos ku Jesus Kristu; i fasil jiresa pa nos. Pabia del tambi i fasinu justu, i santifikanu, i libertanu.

1 Koríntius 15:1

Gosi, ermons, N na lembranta bos di Bon Noba ku N konta bos, ku bo risibi, kil ku bo firma nel,

1 Koríntius 3:10

Ku don ku Deus dan, N tarbaja suma mestre di pedreru jiru. N pui alisersu; utru na kumpu kasa riba del. Kada kin jubi kuma ki na kumpu riba del,

1 Koríntius 3:6

Ami N paranta, Apolu regua, ma i Deus ku fasil kirsi.

1 Koríntius 3:8

Kil ku paranta ku kil ku regua, elis i un son. Kada un na risibi si pagamentu konformi si tarbaju.

1 Koríntius 9:12

Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

1 Koríntius 9:14

Asin tambi Siñor manda pa kilis ku na konta Bon Noba pa e sustentadu nel.

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

1 Koríntius 9:18

Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

1 Koríntius 9:23

N ta fasi tudu e kusas pabia di Bon Noba, pa N pudi toma parti nel.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

Gálatas 3:24

Asin lei seduba mestre ku ten konta di nos tok Kristu bin, pa dipus ki bin, Deus pudi ojanu justu pabia di fe nel.

Gálatas 3:25

Suma ku fe bin ja, no ka sta mas bas di mestre.

Gálatas 4:19

Ña fijus ku N ama, kilis ku N torna na sinti dur di partu pa el, tok Kristu sedu formadu na bos,

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

Titu 1:4

N na skirbi pa bo, Titu, ku sedu na bardadi ña fiju na fe ku no juntadu nel. N misti pa Deus no Pape ku Kristu Jesus no Salbadur dau fabur ku pas.

Filemon 1:19

Ali N na skirbi ku ña propi mon: Ami Paulu N na pagau. N ka pirsisa di falau kuma bu dibin bu propi kabesa.

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.

1 Pedru 1:23

Palabra di Deus ku tene vida, ku ta fika pa sempri, i el ku pui pa bo padidu utru bias; bo ka padidu na pape ku ta muri, ma na pape ku ka ta muri.