1 Koríntius 4:10 - BIBLIA - traduson antigu in Krioulo

¹⁰ No sedu tulu pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

1 Koríntius 4:10 ပူးပေါင်းရင်းမြစ်များ

2 Reis 9:11

Jeu sai pa ki utru kapitons di rei; e puntal: “Tudu sta bon? Ke ku ki dudu bin buska nunde bo?” I fala elis: “Bo kunsil ku si manera di papia.”

Ditus 11:12

Algin ku ka ten juisu ta njuti si kumpañer, ma omi ntindidu ta kala.

Isaias 53:3

I disprezaduba; omis negal. Tambi i omi di dur ku ta sufriba ciu. Jinti ka ta dalba rostu, e disprezal. Anos no ka ta mportaba ku el.

Oseias 9:7

Dia di kastigu ciga, dia pa kada kin risibi ke ki mersi. Si i ciga, Israel na sibi! Anunsiadur ta tratadu suma tulu; omi ku nspiradu i ta tratadu suma dudu. Bu pekadu ciu; e ku manda bu ten odiu garandi.

Mateus 24:9

“Bo na ntregadu pa kastigu; e na mata bos. Tudu jinti na odia bos pabia di ña nomi.

Mateus 5:11

“Abos i sortiadu ora ke na koba bos mal, e na pirsigi bos, e na konta mintida kontra bos pabia di mi.

Lukas 10:16

Dipus i fala disipulus: “Kin ku sukuta bos, i ami ki sukuta; kin ku nega bos, i ami ki nega. Kin ku negan, i nega kil ku mandan.”

Lukas 18:9

Jesus da tambi e komparason pa kilis ku fiaba na se kabesa, e oja kuma elis i justu; e njuti utru jinti;

Lukas 6:22

“Abos i sortiadu ora ku jinti nfastia bos pabia di Fiju di omi, e serka bos na se metadi, e koba bos, e nega bos, e fala kuma bo mau.

Atus 17:18

Utru filósofus, ku ta comadu epikureus ku stóikus, e ta diskutiba ku el. Utrus ta punta: “Ke ku e papiadur misti fala?” Utrus fala: “I parsi kuma i un propagandista di deusis strañu.” E fala asin pabia i na kontaba Bon Noba di Jesus ku resureison di mortu.

Atus 17:32

Oca e obil i fala di resureison di mortu, utrus fasi trosa; utrus fala: “Utru dia no na torna obiu aserka de asuntu li.”

Atus 26:24

Oca ku Paulu ciga ne puntu na si difesa, Festu falal na vos altu: “Paulu, bu sta dudu! Bu studa dimas tok bu pirdi juisu!”

Atus 9:16

Ami propi N na mostral kantu kusas ki ten ku sufri pabia di ña nomi.”

1 Koríntius 1:21

Deus na si jiresa fasi pa ka omis kunsil na se jiresa, ma i rezolvi usa anunsiu “tulu” pa salba kilis ku fia.

1 Koríntius 1:23

ma anos no ta konta aserka di Kristu krusifikadu, ku sedu ofensa pa judeus, tulesa pa gregus,

1 Koríntius 1:25

Tulesa di Deus i mas jiresa di pekadur; frakesa di Deus i mas forsa di pekadur.

1 Koríntius 10:12

Kil ku oja kuma i sta firmi, pa i toma sintidu pa ka i kai!

1 Koríntius 2:14

Na bardadi omi na si ntindimentu i ka pudi ntindi kusas di Spiritu di Deus, pabia e ta parsil tulesa. I ka pudi ntindi elis, pabia son Spiritu ku ta pul i ntindi.

1 Koríntius 2:3

Oca N staba ku bos, N staba fraku, N na tirmi ku medu.

1 Koríntius 3:18

Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,

1 Koríntius 3:2

N tenba ku alimenta bos ku liti; i ka ku kumida risu, pabia bo ka pudi nguental. Te gosi inda bo ka pudi,

1 Koríntius 4:8

Bo sta ja fartu! Bo sta riku! Sin nos, bo na rena! I ta bon pa bo rena na bardadi, pa no pudi rena juntu ku bos!

2 Koríntius 10:10

Utru jinti ta fala: “Si karta forti, i pisadu, ma ora ki sta juntu ku nos i ka ta ten nin forsa; si palabra ka ta ten balur.”

2 Koríntius 11:19

Suma abos bo jiru, bo ta nguenta tulus ku kontentamentu!

2 Koríntius 11:29

Kin ku fraksi ku ami tambi N ka sinti fraku? Si algin pudu pa i kai, ña korson tambi ta kinti.

2 Koríntius 13:9

No ta kontenti si no sta fraku, abos bo sta forti. El ku no ta pidi Deus, pa i kabanta fasi bos krentis maduru.

2 Koríntius 4:12

Asin mortu na tarbaja na nos, vida na bos.

2 Koríntius 6:8

Rispitu ku disrispitu, ngaba ku fala mal, tudu no ta pudu. No sedu nganaduris ku ta fala bardadi!

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

1 Pedru 4:14

Si i pabia di nomi di Kristu ku bo kobadu, abos i sortiadu, pabia Spiritu di gloria, ku sedu Spiritu di Deus, sta riba di bos.