1 Koríntius 3:5 - BIBLIA - traduson antigu in Krioulo

⁵ Afinal, kin ki Apolu? Kin ki Paulu? Son servus di Deus ku bo konvertiba pabia delis. Kada un tarbaja konformi Siñor dal.

1 Koríntius 3:5 ပူးပေါင်းရင်းမြစ်များ

Mateus 25:15

I ntrega un sinku saku di uru, utru, i ntregal dus saku, utru, i ntregal un saku di uru, konformi jitu di kada kin. Oca ki kaba, i bai pa tera lunju.

Lukas 1:2

E skirbi ke ku utrus kontanu ku matiba disna di kumsada, ku sedu ja pursoris de palabra.

Bon Noba di Jesus Kristu ku Jon 3:27

Jon ruspundi: “Ningin ka pudi risibi nada si Deus ka dal el.

Atus 18:24

I ciga na Éfesu un judeu ku comadu Apolu, ku padidu na Alesandria; i seduba un omi ku sibi papia ben, ku kunsi Skritura diritu.

Atus 19:1

Oca ku Apolu staba na Korintu, Paulu pasa na tudu reẑion pa ladu di interior, i ciga Éfesu, i oja la utru krentis,

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

1 Koríntius 12:28

Na purmeru lugar Deus pui na igreẑa apostolus; na sugundu lugar anunsiaduris; na terseru, pursoris; dipus, kilis ku ta fasi milagris; dipus, kilis ku dadu puder di kura, o di juda utrus, o di guberna na igreẑa, o di fala linguas ke ka obi.

1 Koríntius 16:12

Aserka di no ermon Apolu, N pidil ciu pa i bai ku ki ermons pa visita bos, ma i ka sinti kuma i dibi di bai inda. I na bin bai mas tardi, si i oja manera.

1 Koríntius 3:10

Ku don ku Deus dan, N tarbaja suma mestre di pedreru jiru. N pui alisersu; utru na kumpu kasa riba del. Kada kin jubi kuma ki na kumpu riba del,

1 Koríntius 3:22

Paulu, Apolu, Sefas, e mundu, vida, mortu, gosi, ku futuru — tudu i di bos.

1 Koríntius 3:7

De manera, nin kil ku paranta o kil ku regua i ka nada, ma son Deus ku ta da kirsimentu.

1 Koríntius 9:17

Si N na fasil na ña propi vontadi, N ten ku pagadu, ma N fasil suma un dever, pabia i Deus ku dan el pa N fasi.

2 Koríntius 11:23

E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

2 Koríntius 3:3

I pudi ojadu kuma abos i un karta ku Kristu skirbi, i manda pa no mon pa no ntrega. I ka skirbidu ku tinta, ma ku Spiritu di Deus bibu. I ka na tagua di pedra ma na karni di korson.

2 Koríntius 3:6

I el ku fasinu kapas di konta jinti aserka di nobu kontratu, ku ka sedu lei skritu, ma di Spiritu. Lei ku skirbidu i ta mata, ma Spiritu ta da vida.

2 Koríntius 4:1

Deus, na si miserikordia, i danu e tarbaju pa no fasi; asin no ka na fika disanimadu.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

2 Koríntius 4:7

Anos no tene e rikesa na vasu di lama, pa mostra kuma garandesa di puder i di Deus, i ka di nos.

2 Koríntius 5:18

I Deus ku fasi tudu e tarbaju. El, pabia di Kristu, i fasinu si amigus, i danu tarbaju di fasi utrus si amigus.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

2 Koríntius 6:4

Na tudu ku no ta pasa, no ta mostra kuma no sedu servus di Deus, manera ku no ta sufri ku pasensa na fadiga, na falta, na kasabi.

Efésius 3:7

N fasidu servu pa konta e Bon Noba. N ka mersiba e fabur, ma i Deus ku dan el, suma ku si puder na tarbaja na mi.

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

Kolosensis 1:25

Deus fasin servu di igreẑa, manera ki dan e tarbaju pa N fasi pa ben di bos, ku sedu tarbaju di konta tudu si palabra,

1 Timótiu 1:12

N gardisi kil ku dan forsa, ku sedu Kristu Jesus no Siñor. N falal obrigadu pa manera ki ojan fiel, i pun na si tarbaju,

1 Pedru 4:10

Bo sedu bon nkargadus di manga di koldadi don ku Deus da bos. Kada un ta sirbi ŋutru ku don ki risibi.