1 Koríntius 3:18 - BIBLIA - traduson antigu in Krioulo

¹⁸ Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,

1 Koríntius 3:18 ပူးပေါင်းရင်းမြစ်များ

Ditus 26:12

Bu ciga di oja un omi ku pensa kuma i jiru? Tulu mas ten speransa di ki el.

Ditus 3:5

Fia na SIÑOR ku tudu bu korson; ka bu fia na bu propi ntindimentu.

Ditus 3:7

Ka bu pensa kuma bu sedu jiru. Rispita SIÑOR, bu lunjusi di mal.

Ditus 5:7

Gosi, ña fijus, bo sukutan; ka bo disvia di kusas ku N konta bos.

Isaias 44:20

I suma i na kume sinsa; si korson di nganu disviantal tok i ka pudi libra si kabesa, nin pa punta: “Nta e kusa na ña mon direita i ka mintida?”

Isaias 5:21

Ai di kilis ku sedu jiru na se propi uju, e oja kuma e sedu ntindidu!

Jeremias 37:9

Ami, SIÑOR, N fala: Ka bo ngana bo kabesa, bo fala kuma, sin duvida jinti di Babilonia na disa bos, e bai, pabia e ka na bai.

Jeremias 8:8

“‘Kuma ku bo pudi fala: “Anos i jiru; lei di SIÑOR i sta ku nos,” kontra pursoris di lei e tratal ku kanetas di nganu?

Mateus 13:22

Kil ku sumiadu na metadi di fidida, es i si sintidu: i kil ku ta obi palabra, ma i ta kuda ciu na kusa de mundu; rikesa ta nganal. Tudu e kusas ta perta palabra, e ta tujil padi frutu.

Mateus 18:4

Kin ku baŝa si kabesa suma e mininu, es ki ŝef na renu di seu.

Markus 10:15

N na konta bos bardadi kuma, kil ku ka seta renu di Deus suma mininu, di nin un manera i ka na yentra nel.”

Lukas 18:17

N na konta bos bardadi kuma, kil ku ka seta renu di Deus suma mininu, nunka i ka na yentra nel.”

Lukas 21:8

I fala elis: “Bo toma sintidu pa ka bo nganadu, pabia manga delis na bin na ña nomi, e na fala: ‘Ami i Kristu;’ e na fala tambi: ‘Tempu pertu.’ Ka bo bai se tras.

Romanus 11:25

Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

1 Koríntius 15:33

Ka bo ngana bo kabesa. Mau kumpañerasku ta dana bon manera di yanda di algin.

1 Koríntius 3:17

Si algin dana santuariu di Deus, Deus ta dana si dunu tambi, pabia santuariu di Deus i son pa el; abos ku sedu ki santuariu.

1 Koríntius 4:10

No sedu tulu pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

Gálatas 6:3

Si algin kuda kuma el i algin, ma el i ka ningin, i na ngana si kabesa.

Gálatas 6:7

Ka bo ngana bo kabesa; ningin ka pudi fasi Deus diskarna. Kil ku omi sumia, i el ki na kebra tambi.

Efésius 5:6

Ka bo disa ningin ngana bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi.

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

Tiagu 1:22

Ka bo sedu son obiduris di palabra. Si i asin, bo na ngana bo kabesa. Bo sedu fasiduris di kil ku palabra fala.

Tiagu 1:26

Si algin kuda kuma i sedu riliẑiosu, ma i ka frianta si lingua, i na ngana si korson; si riliẑion i ka nada.

1 Jon 1:8

Si no fala kuma no ka tene pekadu, no na ngana no kabesa; bardadi ka sta na nos.