1 Koríntius 3:17 - BIBLIA - traduson antigu in Krioulo

¹⁷ Si algin dana santuariu di Deus, Deus ta dana si dunu tambi, pabia santuariu di Deus i son pa el; abos ku sedu ki santuariu.

1 Koríntius 3:17 ပူးပေါင်းရင်းမြစ်များ

Kumsada 28:17

Jakó sinti medu, i fala: “E kau meduñu! Es i ka utru kau si i ka sedu kasa di Deus. Es i porta di seu.”

1 Kronikas 29:3

Fora di tudu ku N purpara ja pa kau sagradu, N na da uru ku prata di mi propi, pabia di amor ku N ten pa kasa di ña Deus.

Salmus 74:3

Pasa na metadi de kau ku dana-danadu, bu jubi tudu mal ku inimigu fasi na kau sagradu.

Salmus 79:1

O Deus, nasons yentra na tera di bu yardansa, e kontamina bu kasa sagradu, e torna Jerusalen suma muntudu di pedras.

Salmus 93:5

Bu leis fika firmi. Puresa i fajamentu di bu kasa, SIÑOR, pa tudu sempri.

Salmus 99:9

Bo garandisi SIÑOR no Deus, bo adoral na si monti sagradu, pabia SIÑOR no Deus i santu.

Saida 3:5

Deus falal: “Ka bu ciga mas pertu. Tira bu sapatus, pabia kau ku bu na masa i con sagradu.”

Isaias 64:11

No gloriosu kasa sagradu, nunde ku no papes ta ngabauba, i kemadu ku fugu. Tudu no kusas di balur danadu.

Ezekiel 43:12

“Es i lei di templu: Riba di monti ku tudu si ladu na roda i na sedu sagradu dimas. Es ki lei di templu.”

Ezekiel 5:11

Asin, ami, SIÑOR Deus, N jurmenta pa ña vida kuma, manera ku bu kontamina ña kau sagradu ku tudu bu kusas nujenti, ku tudu kusas mau ku bu fasi, N na kumsa kaba ku bo, sin sinti pena di bo; N ka na purdau.

Ezekiel 7:22

N na sukundi ña rostu delis. Ladrons na yentra na ña kau sagradu, e na kontaminal.

Sirmonias 15:31

“Asin bo ten ku guarda fijus di Israel separadu di kusas ku ta fasi elis impuru, pa e ka bin susa ña tenda nunde ku N mora na se metadi. Si e fasi asin, e na muri na se impuresa.”

Sirmonias 20:3

N na vira kontra ki omi, N na tiral na metadi di si pobu, pabia, manera ki da si fiju pa Molok, i kontamina ña kau sagradu, i dana ña santu nomi.

Sofonias 3:4

Si anunsiaduris lebi kabesa, e sedu infiel; si saserdotis kontamina kau sagradu, e tursi lei.

Numerus 19:20

Si ki algin impuru ka purifika, i na tiradu na kumunidadi, pabia i kontamina santuariu di SIÑOR. Yagu di purifikason ka wagadu riba del; i na fika impuru.

1 Koríntius 3:16

Nta bo ka sibi kuma abos i santuariu di Deus, kuma Spiritu di Deus mora na bos?

1 Koríntius 3:18

Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,