1 Koríntius 3:16 - BIBLIA - traduson antigu in Krioulo

¹⁶ Nta bo ka sibi kuma abos i santuariu di Deus, kuma Spiritu di Deus mora na bos?

1 Koríntius 3:16 ပူးပေါင်းရင်းမြစ်များ

Ezekiel 36:27

N na pui ña Spiritu na bos, N pui bos pa bo yanda na ña mandamentus, pa bo pui sintidu pa obdisi ña leis.

Bon Noba di Jesus Kristu ku Jon 14:17

ku sedu Spiritu di bardadi ku jinti ku ka kunsi Deus ka pudi risibi, pabia e ka ta nota pa el, nin e ka kunsil; ma abos bo kunsil, pabia i mora ku bos; i na sta na bos.

Romanus 6:16

Nta bo ka sibi kuma, ora ku bo ntrega bo kurpu suma katibu pa sirbi algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu.

Romanus 6:3

Nta bo ka sibi kuma, anos tudu ku batisadu na Kristu Jesus, no batisadu tambi na si mortu?

Romanus 8:11

Si Spiritu di kil ku lantanda Jesus di mortu sta na bos, ki algin ku lantanda Kristu di mortu tambi i na pui vida na bo kurpu mortal, pabia di si Spiritu ku sta na bos.

Romanus 8:9

Abos, bo ka na yanda ja na vontadi di bo kurpu, ma na vontadi di Spiritu, si na bardadi Spiritu di Deus sta na bos. Kin ku ka tene Spiritu di Kristu, si dunu i ka del.

1 Koríntius 3:17

Si algin dana santuariu di Deus, Deus ta dana si dunu tambi, pabia santuariu di Deus i son pa el; abos ku sedu ki santuariu.

1 Koríntius 3:9

Anos no sedu kumpañeris pa tarbaja juntu ku Deus. Abos i labur di Deus, ku kasa ku Deus kumpu.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

1 Koríntius 6:16

O bo ka sibi kuma, kil ku junta ku algin di mau vida, i ta junta un kurpu son ku el? Skritura fala kuma elis dus e ta forma un kurpu son.

1 Koríntius 6:19

Nta bo ka sibi kuma bo kurpu i santuariu di Spiritu Santu ku Deus da bos, ku mora na bos? I ka abos ku tene bo kabesa,

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

1 Koríntius 9:13

O bo ka sibi kuma kilis ku ta tarbaja na kasa di Deus e ta kume di oferta di kasa di Deus? I suma kilis tambi ku ta sirbi na altar, e ta toma se parti di karni di sakrifisiu.

1 Koríntius 9:24

Bo sibi kuma, na disafiu, tudu ta kuri na kurida, ma i un son ku ta ngaña premiu. Bo kuri ku forsa pa bo pudi yangasal.

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

1 Timótiu 3:15

Si kontra N tarda pa bai, bu ta sibi kuma ku algin dibi di yanda na familia di Deus, ku sedu igreẑa di Deus bibu, kuluna ku firkija di bardadi.

2 Timótiu 1:14

Ku ajuda di Spiritu Santu ku mora na nos, guarda ki rikesa ku bu ntregadu.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Tiagu 4:4

Abos jinti ku ka fiel pa Deus, bo ka sibi kuma amisadi ku mundu i inimisadi ku Deus? Asin, kil ku misti sedu amigu di mundu i ta bida inimigu di Deus.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Jon 4:12

Ningin ka ciga di oja Deus, ma si no ama ŋutru, Deus sta na nos; si amor sta kompletu na nos.