1 Koríntius 3:12 - BIBLIA - traduson antigu in Krioulo

¹² Si algin lantanda riba di ki alisersu un kasa di uru o prata, o pedra di balur, o madera o fenu o paja,

1 Koríntius 3:12 ပူးပေါင်းရင်းမြစ်များ

Salmus 119:72

Lei ku sai na bu boka i mas minjor pa mi di ki milyaris di mueda di uru o di prata.

Salmus 19:10

E mas ten balur di ki uru, mas di ki manga di uru puru. E mas ta mela di ki mel ora ki sai na si bagus.

Saida 5:12

Asin pobu spaja pa tudu ladu di Ejitu pa kuji restus di paja na lugaris di miju, pa i pudi sirbi suma ki bon paja ke ta kumpu tiẑolus ku el.

Ditus 16:16

I muitu minjor pa ten jiresa ku kuñisimentu di ki uru ku prata.

Ditus 30:6

Ka bu buri nada na si palabras, pa ka i bin raprindiu, bu ojadu munturus.”

Ditus 8:10

Bo seta ña nsinamentu te pa bo seta prata; bo kuji kuñisimentu mas di ki uru finu kujidu,

Isaias 60:17

“N na tisiu uru na lugar di bronzi, ku prata na lugar di feru. N na tisiu bronzi na lugar di madera, ku feru na lugar di pedras. N na pui bu ŝefis pa e manda ku justisa ku pas.

Jeremias 23:28

Anunsiadur ku tene suñu i dibi di kontal suma suñu. Kil ku tene ña palabra i dibi di papia ña palabra ku bardadi. Ke ki paja pa i komparadu ku arus?” Asin ku SIÑOR punta.

Atus 20:30

Na bo metadi propi utru omis na lanta, e na tursi bardadi pa pui utru krentis bai se tras.

Romanus 16:17

Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

1 Koríntius 3:11

pabia ningin ka pudi pui utru alisersu fora di kil ku pudu ja, ku sedu Jesus Kristu.

1 Koríntius 3:13

Dia di Kristu na mostra klaru tarbaju di kada kin. I fugu ku na mostral; ki fugu na proba tarbaju di kada kin pa jubi i kal koldadi.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Kolosensis 2:8

Bo toma sintidu pa ka ningin fasi bos prezu ku si ideias di nganu ku ka ten balur, ku bin di nsinamentu ku omi ta pasanta pa si fiju, ku fiju di si fiju, ku bin tambi di nsinamentu di mundu, ma i ka bin di Kristu.

1 Timótiu 6:3

Si algin nsina utru dutrina, i ka seta palabra di bardadi di no Siñor Jesus Kristu, nin nsinamentu di no riliẑion,

2 Timótiu 2:20

Na kasa garandi i ka ta ten son losa di uru ku prata, ma tambi i ta ten di madera ku di lama. Utru i pa usa na bon lugar, utru na lugar mas bas.

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

2 Timótiu 3:7

sempri e ta misti sibi, ma nunka e ka ta ciga di ten ntindimentu di bardadi.

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

1 Pedru 1:7

E probason i pa mostra kuma bo fe i di bardadi, pa i pudi mersi lovor ku gloria ku onra na dia ku Jesus Kristu na bin. Uru ku un dia ta kaba i ta probadu na fugu. Fe ku probadu ten garandi balur mas di ki uru.

Apokalipsi 2:14

Ma N ten utru kusas kontra bo, pabia bu tene la utrus ku na sigi nsinamentu di Balaon ku nsina Balak pa i pui fijus di Israel kai na pekadu di kume karni ku matadu pa idulus, tambi di kai ku minjeris.

Apokalipsi 21:18

Mura kumpuduba ku jaspi; prasa seduba di uru puru ku parsi vidru limpu.

Apokalipsi 3:18

N konsijau pa bu kumpra na ña mon uru rifinadu na fugu, pa bu sedu riku na bardadi; ku ropa branku pa bu bisti, pa ka borgoña di bu disnun ojadu; bu kumpra tambi pomada pa pui na uju, pa bu pudi oja.