1 Koríntius 2:14 - BIBLIA - traduson antigu in Krioulo

¹⁴ Na bardadi omi na si ntindimentu i ka pudi ntindi kusas di Spiritu di Deus, pabia e ta parsil tulesa. I ka pudi ntindi elis, pabia son Spiritu ku ta pul i ntindi.

1 Koríntius 2:14 ပူးပေါင်းရင်းမြစ်များ

Ditus 14:6

Algin ku ta fasi trosa i ta buska jiresa, i ka ta ojal, ma algin ntindidu i lestu pa prindi.

Mateus 16:23

Jesus rabida i fala Pedru: “Sai ña dianti, Satanas! Bu na disvian di ña kamiñu, pabia bu pensamentu i ka bin di Deus, ma i di omi.”

Bon Noba di Jesus Kristu ku Jon 10:20

Manga delis fala: “I tene dimoniu; si kabesa ka sta diritu. Pa ke ku bo na obil?”

Bon Noba di Jesus Kristu ku Jon 12:37

Jesus fasi manga di milagri dianti di ki jinti, ma e ka fia nel,

Bon Noba di Jesus Kristu ku Jon 14:17

ku sedu Spiritu di bardadi ku jinti ku ka kunsi Deus ka pudi risibi, pabia e ka ta nota pa el, nin e ka kunsil; ma abos bo kunsil, pabia i mora ku bos; i na sta na bos.

Bon Noba di Jesus Kristu ku Jon 14:26

Ki Judadur, ku sedu Spiritu Santu ku ña Pape na manda na ña nomi, i na bin nsina bos tudu kusas; i na fasi bos lembra tudu kusas ku N fala bos.

Bon Noba di Jesus Kristu ku Jon 15:26

Ora ku Judadur bin, ku N na bin manda bos di parti di ña Pape, ki Spiritu di bardadi ku ta bin di ña Pape, el i na konta aserka di mi.

Bon Noba di Jesus Kristu ku Jon 5:44

Kuma ku bo pudi setan si bo na risibi rispitu di ŋutru, bo ka na buska rispitu ku bin di kil ki uniku Deus?

Bon Noba di Jesus Kristu ku Jon 8:43

Ke ku manda bo ka ntindi kil ku N fala? I pabia bo ka pudi nguenta ña palabra.

Atus 16:14

Un minjer ku comadu Lidia, di prasa di Tiatira, bindidur di fazenda purpura, ku ta adoraba Deus, i na sukutanuba. Siñor yabril korson pa i pui sintidu na kil ku Paulu na fala.

Atus 17:18

Utru filósofus, ku ta comadu epikureus ku stóikus, e ta diskutiba ku el. Utrus ta punta: “Ke ku e papiadur misti fala?” Utrus fala: “I parsi kuma i un propagandista di deusis strañu.” E fala asin pabia i na kontaba Bon Noba di Jesus ku resureison di mortu.

Atus 17:32

Oca e obil i fala di resureison di mortu, utrus fasi trosa; utrus fala: “Utru dia no na torna obiu aserka de asuntu li.”

Atus 18:15

ma si bo na diskuti son kusa di palabra o nomi, o di bo lei, bo tratal abos propi, pabia N ka misti sedu juis de kusas.”

Atus 25:19

E teneba son kontra el utru palabras di se riliẑion, ku di un omi comadu Jesus ku muri, ma Paulu fala i sta bibu.

1 Koríntius 1:18

Palabra di krus i tulesa pa kilis ku na pirdi, ma pa nos ku na salba i puder di Deus.

1 Koríntius 1:21

Deus na si jiresa fasi pa ka omis kunsil na se jiresa, ma i rezolvi usa anunsiu “tulu” pa salba kilis ku fia.

1 Koríntius 1:23

ma anos no ta konta aserka di Kristu krusifikadu, ku sedu ofensa pa judeus, tulesa pa gregus,

1 Koríntius 1:25

Tulesa di Deus i mas jiresa di pekadur; frakesa di Deus i mas forsa di pekadur.

1 Koríntius 15:44

Si i nteradu i kurpu di karni; ora ki lantandadu i ta sedu kurpu di spiritu. Si kurpu di karni ten, kurpu spiritual ten tambi.

1 Koríntius 15:46

Bo ntindi kuma i ka spiritual ku ta bin purmeru, ma i kurpu di karni; dipus, kurpu spiritual.

1 Koríntius 2:12

Anos no ka risibi spiritu di mundu, ma no risibi Spiritu ku bin di Deus, pa no pudi ntindi kusas ku Deus danu di grasa.

1 Koríntius 3:1

Na bardadi, ermons, N ka pudiba papia ku bos suma ku N kustuma ta fasi ku jinti spiritual, ma N tenba ku papia ku bos suma jinti di mundu, o suma mininus na kamiñu di Kristu.

Tiagu 3:15

Es i ka jiresa ku bin di riba, ma i di tera, di no naturesa di limaria; i bin di dimoniu.

1 Jon 2:20

Deus darma Spiritu Santu riba di bos; bo ntindi tudu.

1 Jon 2:27

Spiritu Santu ku darmadu riba di bos i na fika ku bos. I ka pirsis pa algin nsina bos, pabia Spiritu ta nsina bos aserka di tudu kusas. El i bardadi; i ka ta konta mintida. Suma ki nsina bos, bo pega na Kristu.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.

Judas 1:19

I esis ku ta tisi rapatimentu na metadi di jinti. E ta sigi son vontadi di se kabesa; e ka tene Spiritu di Deus.