1 Koríntius 16:6 - BIBLIA - traduson antigu in Krioulo

⁶ Talves N ta fika ku bos tok cuba kaba. Dipus, bo ta judan na kamiñu pa kau ku N na bai.

1 Koríntius 16:6 ပူးပေါင်းရင်းမြစ်များ

Atus 15:3

Igreẑa juda elis ne bias. Na kamiñu e pasa na Fenísia ku Samaria; e na konta kuma ku jintius konverti. E noba pui tudu ermons fika kontenti.

Atus 17:15

Kilis ku kumpaña Paulu e lebal te na Atenas. Dipus e riba, ku rekadu pa Silas ku Timótiu pa e bai nunde el mas dipresa ke pudi.

Atus 20:38

Kusa ku mas pui elis fika tristi i palabra ki fala elis kuma, e ka na oja si rostu mas. E kumpañal te na barku.

Atus 21:5

Oca ku no pasa ki dias la, no sai, no kontinua no bias. Elis tudu ku minjeris ku se fijus e kumpañanu te fora di prasa. No finka juju na praia, no ora.

Atus 27:12

Suma ku ki purtu i ka bon ba pa pasa cuba, mas parti di jinti staba a fabur di sai di la pa jubi si e ta pudi ciga na Feniŝ, un purtu di Kreta ku ta oja pa ladu di bentu di Afrika ku di Koru, pa e pudi pasa cuba la.

Atus 28:11

Dipus di tris mis, no sai na un barku di Alesandria ku kababa cuba na jiu, ku tene nomi di deus jemia: Kastor ku Poluŝ.

Romanus 15:24

N misti fasil ora ku N na bai Spaña. Na kamiñu pa la N pudi oja bos; bo ta judan na kamiñu pa la, dipus ku N goza un tempu juntu ku bos.

1 Koríntius 16:11

Ka ningin njutil. Bo judal pa i kontinua si bias ku pas, pa i pudi bin nunde mi, pabia N na peral ku ki utru ermons tambi.

2 Koríntius 1:16

pabia, suma ku N na baiba pa Masedonia, N mistiba panti N visita bos; ora ku N na riba, pa N torna visita bos, pa bo judan na ña bias pa Judeia.

Titu 3:12

Ora ku N mandau Artemas o Tíkiku, fasi forsa pa bin nunde mi na Nikópolis, pabia la ku N rezolvi pasa cuba nel.