1 Koríntius 16:13 - BIBLIA - traduson antigu in Krioulo

¹³ Bo toma sintidu, bo fika firmi na fe. Bo sedu forti suma omi balenti.

1 Koríntius 16:13 ပူးပေါင်းရင်းမြစ်များ

2 Samuel 10:12

Sedu forti! No geria ku koraẑen pa no pobu ku prasas di no Deus. SIÑOR ta fasi konformi si vontadi.”

1 Reis 2:2

“N na bai na kamiñu ku tudu jinti ten ku bai nel. Fasi forsa, bu mostra kuma abo i omi,

1 Kronikas 19:13

Sedu forti! No geria ku koraẑen pa no pobu ku prasas di no Deus. SIÑOR ta fasi kil ki bon na si uju.”

1 Kronikas 28:10

Pa kila, toma sintidu, pabia SIÑOR kujiu pa bu kumpu kasa pa i sedu kau sagradu; pega tesu bu fasil.”

Salmus 27:14

Pera na SIÑOR, bu ten koraẑen, bu fortifika bu korson. Pera na SIÑOR.

Salmus 31:24

Bo sedu forti, bo ten koraẑen, abos tudu ku ten speransa na SIÑOR.

Isaias 35:4

Bo fala kilis ku tene korson tarpajadu: “Bo sedu forti; ka bo medi. Ali bo Deus na bin ku vingansa; i na bin kastiga bo inimigus, i salba bos.”

Daniel 10:19

I falan: “Omi ku Deus ama ciu, ka bu medi. Pas na sta ku bo. Koraẑen! Koraẑen!” Dipus ki papia ku mi, N sinti forsa, N falal: “Papia, Siñor, pabia bu dan forsa.”

Daniel 11:32

Ku palabra sabi i na ngaña kilis ku bandona kontratu, ku sedu lei di Moisés, ma kilis ku kunsi se Deus e na fika firmi, e na geria.

Aẑeu 2:4

Ami, SIÑOR, N fala: Zorobabel, bu ten ku sedu forti! Josué, fiju di Jeozadak, ŝef di saserdotis, bu ten ku sedu forti! Abos, tudu pobu di tera, bo ten ku sedu forti, bo tarbaja, pabia N sta ku bos. Ami, SIÑOR ku ten tudu puder, N fala.

Zakarias 8:13

Abos, pobu di Judá ku Israel, bo seduba un maldison na metadi di nasons, ma N na salba bos; bo na sedu benson. Ka bo medi; bo fortifika bo mon.”

Zakarias 8:9

Asin ku SIÑOR ku ten tudu puder fala: “Abos tudu ku obi palabras ne dias na boka di anunsiaduris ku matiba na tempu ki pudu alisersu di kasa di SIÑOR ku ten tudu puder, bo fortifika bo mon pa kasa di SIÑOR pudi kumpudu.

Mateus 25:13

Asin bo toma sintidu, pabia bo ka sibi nin dia nin ora.

Mateus 26:41

Bo toma sintidu, bo ora, pa ka bo kai na tentason. Bardadi, vontadi sta pruntu, ma kurpu i fraku.”

Lukas 21:36

Bo bisia, bo ora sempri, pa bo pudi kapli tudu e kusas ku na bin kontisi, pa bo firma dianti di Fiju di omi.”

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

2 Koríntius 1:24

No ka misti forsa bos na bo krensa, pabia bo sta firmi na fe, ma no na tarbaja juntu ku bos pa bo pudi sta mas sabi.

Gálatas 5:1

Kristu libertanu pa no sedu libri. Bo fika firmi. Ka bo seta torna maradu mas na korenti di katiberasku.

Efésius 3:16

N pidil pa i tira di rikesa di si gloria pa da bos forsa ku puder dentru di bos, pa meiu di si Spiritu,

Efésius 6:10

Pa kabanta, bo fika mas forti na Siñor pabia di si forti puder.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 4:1

Asin, ña ermons ku N ama ciu, ku N ten saudadi del, ña alegria ku ña koroa, bo fika firmi na Siñor ne manera, ña kiridus.

Filipensis 4:13

N ten forsa pa tudu kusa pabia di Kristu ku ta dan puder.

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

Kolosensis 4:12

Manteña di Epafras, utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

Kolosensis 4:2

Bo pega tesu na orason; bo yabri sintidu nel pa bisia; bo fala Deus obrigadu.

1 Tesalonisensis 3:8

Gosi no ta sinti vida si bo sta firmi na Siñor.

1 Tesalonisensis 5:6

Ka no durmi suma utru jinti; no fika kordadu; ka no cami.

2 Tesalonisensis 2:15

Asin ermons, bo fika firmi; bo pega na kusas ku no nsina bos ku boka suma ku karta.

1 Timótiu 6:12

Geria bu bon gera di fe; pega na vida ku ka ta kaba ku bu comadu pa el, oca bu konta ku firmesa aserka di bu fe dianti di manga di tustumuña.

2 Timótiu 2:1

Abo, ña fiju, sedu forti pa fabur ku no ten na Kristu Jesus.

2 Timótiu 4:5

ma abo, fika kalmu na tudu ku na kontisi, bu sufri kansera, bu fasi tarbaju di un ivanjelista, bu fasi tudu sirvis ku bu comadu pa el.

2 Timótiu 4:7

N luta bon lutu, N kaba ña kurida, N guarda fe.

Josué 1:18

Tudu omi ku nega obi bu palabra, i ka obdisi tudu ordi ku bu da, i na matadu. Son pa bu sedu forti, bu ten koraẑen.”

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

1 Pedru 5:8

Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.

Apokalipsi 16:15

“Bo jubi, ami N na bin suma ladron. Sortiadu i kil ku ka durmi, ku rakada si ropa pa ka i yanda nun, pa si borgoña ka ojadu.”

1 Samuel 4:9

Bo mara koraẑen, filisteus, bo sedu omis, pa ka bo bin sedu katibus di ebreus, suma ku e sedu bo katibus. Bo sedu omis, bo geria!”