1 Koríntius 15:34 - BIBLIA - traduson antigu in Krioulo

³⁴ Bo riba pa bon kamiñu; ka bo yanda mas na pekadu. N na fala pa bo borgoña kuma utrus inda ka sibi nada di Deus.

1 Koríntius 15:34 ပူးပေါင်းရင်းမြစ်များ

Salmus 119:11

N rakada bu palabra na ña korson pa N ka peka kontra bo.

Salmus 4:4

Si bo paña raiba, ka bo peka. Bo papia ku bo kabesa na kama, bo fika ketu. Sela

Jeremias 9:3

SIÑOR fala: “E ta pruntia se lingua suma mansasa, pa ferca mintida. I ka ku bondadi ke torna forti na tera, pabia e ta bai di maldadi pa maldadi; e ka mporta ku mi.

Joel 1:5

Abos camiduris, bo korda, bo cora; abos ku ta bibi biñu, bo jimi pabia di falta di biñu nobu, pabia uvas pa kumpul kumedu ja tudu.

Jonas 1:6

Kapiton di barku ciga nunde el, i puntal: “Ke ku manda bu na durmi? Lanta, bu coma bu deus. Talves i ta lembra di nos pa ka no pirdi.”

Mateus 22:29

Jesus ruspundi elis: “Bo sta nganadu. Bo ka kunsi Skritura nin puder di Deus.

Bon Noba di Jesus Kristu ku Jon 5:14

Dipus, Jesus bin kontra ku el na kasa di Deus, i falal: “Jubi, bu sta ja kuradu; ka bu peka mas, pa ka kusa pior bin kontisi ku bo.”

Bon Noba di Jesus Kristu ku Jon 8:11

Minjer falal: “Ningin, Siñor.” Jesus falal: “Nin ami N ka na kondenau. Bai, ka bu torna peka mas.”]

Atus 26:8

Ke ku manda bo ka pudi fia kuma Deus ta lantanda mortus?

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

Romanus 13:11

Bo fasi asin, suma ku bo sibi tempu ku no sta nel, kuma ora ciga pa no korda di sonu, pabia no libertason sta mas pertu gosi di ki oca no seta Kristu.

1 Koríntius 4:14

N ka skirbi asin pa N pasanta bos borgoña; N fasil pa N konsija bos suma ña fijus propi ku N ama.

1 Koríntius 6:5

N fala es pa pasanta bos borgoña. Nta i ka ten nin un jiru na bo metadi ku pudi julga na metadi di si ermons?

1 Koríntius 8:7

I ka tudu ku ten e ntindimentu. Utrus kustuma dimas ku idulu. Te gosi, ora ke na kume, e ta sinti suma ki karni i di idulu. Manera ku se konsiensia i fraku, e ta sinti susu.

Efésius 5:14

E ku manda i fala na un kantiga: “Korda, abo ku na durmi! Lanta na metadi di mortus; Kristu ta numiau.”

1 Tesalonisensis 4:5

Ka i disa diseẑu mau yardi dentru del suma jintius ku ka kunsi Deus.