1 Koríntius 15:2 - BIBLIA - traduson antigu in Krioulo

² kil tambi ku tisi bos salbason, si bo rakadal suma ku N konta bos el. Si i ka asin, bo konverti pa nada.

1 Koríntius 15:2 ပူးပေါင်းရင်းမြစ်များ

Ditus 23:23

Kumpra bardadi, ka bu bindil; kumpra tambi jiresa, nsinamentu ku ntindimentu.

Ditus 3:1

Ña fiju, ka bu diskisi di ña nsinamentu; guarda ña ordis na bu korson,

Ditus 4:13

Pega tesu na nsinamentu di bu pape; ka bu largal. Guardal pabia i sedu bu vida.

Lukas 8:13

Kilis ku sta riba di pedra tambi i kilis ku obi palabra, e risibil ku alegria, ma e ka tene rais. E ka ta tarda na vida di krenti; na tempu di tentason e ta disvia.

Atus 2:47

e ta ngaba Deus. Tudu jinti ta fika kontenti ku elis. Kada dia Siñor ta buriba kilis ki na salba, pa si igreẑa kirsi.

Atus 8:13

Simon propi seta Jesus tambi, i batisadu. I fika juntu ku Filip. Ora ki oja milagris ku kusas garandi ki fasi, i ta dimira dimas.

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 11:22

Pensa na manera ku Deus i bon, ma tambi i risu. Pa kilis ku kai i ta risu ku elis, ma pa bo i ta bon, si bu kontinua na si bondadi. Si i ka asin, tambi bu na kortadu.

1 Koríntius 1:18

Palabra di krus i tulesa pa kilis ku na pirdi, ma pa nos ku na salba i puder di Deus.

1 Koríntius 1:21

Deus na si jiresa fasi pa ka omis kunsil na se jiresa, ma i rezolvi usa anunsiu “tulu” pa salba kilis ku fia.

1 Koríntius 11:2

Ami N ngaba bos pabia na tudu bo ta lembra di mi, suma ku bo obdisi nsinamentu ku N pasanta pa bos,

1 Koríntius 15:14

Si Kristu ka lantandadu, no ka tene nada di konta; abos tambi bo ka tene nada di fia nel.

2 Koríntius 2:15

pabia no sedu suma ki ceru sabi di nsensu ku Kristu na kema pa Deus. Kilis ku na salba, tudu ku kilis ku na pirdi, e na sinti ki ceru.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Gálatas 3:4

Nta tudu ku bo pasa i ka sedu nada? Sertamenti i sedu un kusa.

Efésius 2:8

I pabia di si fabur ku bo sedu salbu, na bo fe. Es i ka bin di bos; i kusa ku Deus pati.

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

2 Tesalonisensis 2:15

Asin ermons, bo fika firmi; bo pega na kusas ku no nsina bos ku boka suma ku karta.

2 Timótiu 1:9

I salbanu, i comanu pa no sedu si pobu. I ka pabia di kil ku no fasi, ma pabia di si planu, ku si fabur. I danu e fabur pabia di Kristu Jesus, antis di kumsada di tempu,

Ebreus 10:23

No pega tesu na fala di no speransa, pabia kil ku da purmesa i di fiansa.

Ebreus 2:1

E ku manda i minjor pa no pega ku mas firmesa na kusas ku no obi, pa ka no disvia di rumu.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Ebreus 4:14

Suma ku no tene un garandi Ŝef di Saserdoti ku sedu Jesus, Fiju di Deus, ku yentra dentru di seu, no fika firmi na no fe.

Tiagu 2:14

Ña ermons, ke ki bali pena si algin fala kuma i ten fe, ma i ka fasi nada pa mostral? Nta ki fe pudi salbal?

Tiagu 2:17

Asin tambi ku fe son, si i ka mostra na kil ku si dunu fasi, i sta mortu.

Tiagu 2:26

Suma ku kurpu sin folgu sta mortu, asin tambi fe, si i ka mostra na obras, i sta mortu.