1 Koríntius 14:8 - BIBLIA - traduson antigu in Krioulo

⁸ Si omi ku na toka korneta ka toka nota klaru, kin ku na purpara pa gera?

1 Koríntius 14:8 ပူးပေါင်းရင်းမြစ်များ

Isaias 27:13

Ora ku ki dia ciga, garandi korneta na tokadu; kilis ku na yandaba pirdidu na Asiria, ku kilis ku tiraduba di se teras pa tera di Ejitu, e na bin, e adora SIÑOR na monti sagradu na Jerusalen.

Jeremias 4:19

Ai, ña korson, ña korson! Ami N na sufri ku dur. Ai! Sufrimentu di ña korson! Ña korson na bati; N ka pudi kala, pabia N obi toku di korneta ku baruju di gera.

Joel 2:1

Bo toka korneta na Sion, bo da sinal di avisu na ña monti sagradu. Tudu moraduris di tera pa e tirmi, pabia dia di SIÑOR na bin; i sta ja pertu.

Amos 3:6

Si korneta tokadu na prasa, pobu ka ta tirmi? Mal ta bin pa prasa si SIÑOR ka mandal?

Numerus 10:9

Ora ku inimigu ataka bos na bo tera, bo na sai pa bai geria ku el, bo na toka kornetas di kumpridu; asin SIÑOR bo Deus na lembra di bos, i na kaplinti bos di bo inimigus.

1 Koríntius 14:7

Bo pudi pensa na kusa sin vida, suma instrumentu ku ta tokadu, flauta o viola. Si nota di musika ka tokadu klaru, kuma ku algin pudi ntindi kantiga ki na toka?