1 Koríntius 14:3 - BIBLIA - traduson antigu in Krioulo

³ ma kil ku na anunsia rekadu di Deus i na fala pa jinti, pa lantanda elis, pa konsija elis, pa da elis koraẑen.

1 Koríntius 14:3 ပူးပေါင်းရင်းမြစ်များ

Lukas 3:18

Ku manga di utru konsiju Jon kontaba pobu Bon Noba,

Atus 13:15

Dipus di leitura di lei ku libru di anunsiaduris, ŝefis di kasa di juntamentu manda fala elis: “Ermons, si bo tene un palabra di konsiju pa pobu, bo fala.”

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Atus 15:32

Suma Judas ku Silas seduba anunsiaduris tambi, e konsija ermons ku manga di palabra ku fortifika elis.

Atus 4:36

I tenba un omi di jorson di Levi comadu José, ku apostolus da nomi di Barnabé, ku signifika kil ku ta da animu; el i padidu na Ŝipri.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Romanus 12:8

Si i pa konsija jinti, nta pa i konsija. Kil ku ta rapati, pa i da ku mon abertu. Kil ku na manda, pa i manda ku forsa di vontadi. Kil ku na juda pobris, pa i fasil ku alegria.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 15:2

ma kada un di nos dibi di agrada si ermon pa ben del, pa i pudi kirsi na fe.

1 Koríntius 10:23

“No sta libri pa fasi tudu kusa.” Asin ke fala, ma i ka tudu kusa ki bon. “No sta libri pa fasi tudu kusa,” ma i ka tudu ku ta juda lantanda igreẑa.

1 Koríntius 14:12

Ja ku bo dija dons di Spiritu, bo buska manera di usa mas ciu kilis ku ta lantanda igreẑa.

1 Koríntius 14:17

Na bardadi bu gardisimentu pudi sedu bon, ma i ka na juda utru jinti.

1 Koríntius 14:26

Pa kabanta, ermons, ora ku bo junta pa adorason, un ta tene kantiga, utru tene nsinamentu, utru ta konta kusa ku Deus mostral, utru ta fala lingua strañu, utru ta splikal. Bo fasi tudu pa ajuda di igreẑa.

1 Koríntius 14:31

Abos tudu bo pudi anunsia rekadu di Deus, un di kada bias, pa tudu pudi prindi, e fika animadu.

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

2 Koríntius 1:4

ku ta animanu na tudu kasabi, pa no pudi tambi anima utrus na tudu koldadi kasabi. No ta da utrus ki koraẑen ku anos propi no risibi di Deus.

2 Koríntius 2:7

Gosi bo dibi di purdal, bo animal, pa ka i fika ku garandi tristesa tok i disanima dimas.

Efésius 4:29

Nin un palabra fiu ka dibi di sai na bo boka, ma son kil ki bon, ku ta juda, ku ta kumpu, ku ta fasi ben pa kilis ku obil.

Efésius 6:22

E ku manda N na mandal pa bos, pa bo pudi sibi kuma ku no sta tudu, pa i anima bos.

Kolosensis 4:8

I pa e fin ku N na mandal nunde bos, pa bo sibi no stadu, pa i da bos animu.

1 Tesalonisensis 2:11

Suma ku bo sibi, no trata ku kada un di bos suma ku pape ta trata ku si fijus. No konsija bos, no anima bos,

1 Tesalonisensis 2:3

No ka ta ngoda bos ku palabra eradu, ku pensamentu susu, nin no ka ta buska ngana ningin,

1 Tesalonisensis 3:2

no manda Timótiu, no ermon ku tarbaja pa Deus juntu ku nos na anunsia Bon Noba di Kristu, pa da bos animu, pa bo fika firmi na bo fe,

1 Tesalonisensis 4:1

Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

1 Tesalonisensis 4:18

Bo ba ta konsola ŋutru ku e palabra.

2 Tesalonisensis 3:12

No na manda fala elis, no pidi na nomi di no Siñor Jesus Kristu, pa e susega, e tarbaja, e sustenta se kabesa.

1 Timótiu 1:4

nin pa ka e liga ku storias ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

1 Timótiu 4:13

Te ora ku N bai, pega tesu na lei Skritura dianti di jinti, bu konsija, bu nsina.

1 Timótiu 6:2

Kilis ku tene mestre krenti e ka dibi di lebsil suma e sedu ermons, ma e dibi di sirbil inda minjor, pabia kil ku na purbita di se tarbaju i krenti ke ama. N rogau pa bu nsina, bu konsija e kusas.

2 Timótiu 4:2

pa bu konta palabra di Deus; si tempu i bon o i ka bon, ntema nel. Raprindi, bu kuriẑi, bu anima, bu nsina ku tudu pasensa.

Titu 1:9

I ten ku pega na palabra sertu di nsinamentu, pa i pudi ten puder pa konsija ku nsinamentu di bardadi, suma tambi pa mostra eru di kilis ku sta kontra el.

Titu 2:15

Nsina e kusas, bu konsija, bu raprindi elis ku tudu otridadi. Ka bu disa ningin lebsiu.

Titu 2:6

Konsija rapasis nobu tambi pa e sedu brandu na tudu.

Titu 2:9

Konsija katibus pa e obdisi se dunus na tudu, pa e pui elis kontenti. Ka e ba ta ruspundi mal;

Ebreus 10:25

Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.

Ebreus 13:22

Ermons, N pidi bos pa bo nguenta e palabra di konsiju, pabia e karta i ka kumpridu di ki manera.

Ebreus 3:13

I minjor bo ba ta konsija ŋutru tudu dia ku na faladu “Aos”, pa ka nin un di bos fika duru pa nganu di pekadu.

1 Pedru 5:12

N skirbi bos e kartasiñu ku ajuda di Silvanu, no ermon ku N oja fiel, pa konsija bos, pa testifika kuma, grasa di Deus i di bardadi. Bo kontinua nel firmi.

Judas 1:20

Ma abos, amadus, bo fortifika bo vida riba di bo fe ki puru dimas. Bo ba ta ora na Spiritu Santu.