1 Koríntius 14:26 - BIBLIA - traduson antigu in Krioulo

²⁶ Pa kabanta, ermons, ora ku bo junta pa adorason, un ta tene kantiga, utru tene nsinamentu, utru ta konta kusa ku Deus mostral, utru ta fala lingua strañu, utru ta splikal. Bo fasi tudu pa ajuda di igreẑa.

1 Koríntius 14:26 ပူးပေါင်းရင်းမြစ်များ

Romanus 1:13

Ermons, N misti pa bo sibi kuma manga di bias N pui pa N bai jubi bos, pa N pudi ten algun frutu na bo metadi, suma N tenba ja na utru jintius, ma te gosi N tujidu bai.

Romanus 12:7

Si i di tarbaju pratiku, i ta tarbaja. Si i di nsina, pa i ten vontadi di nsina.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 15:2

ma kada un di nos dibi di agrada si ermon pa ben del, pa i pudi kirsi na fe.

1 Koríntius 14:15

Ke ku N na fasi gora? N na ora ku spiritu, ma tambi N na ora ku ntindimentu. N na kanta ku spiritu; tambi N na kanta ku ntindimentu.

1 Koríntius 14:2

Kil ku na fala na lingua ki ka obi i ka na fala pa jinti, ma pa Deus, pabia ningin ka ta ntindil. Na puder di Spiritu i na fala bardadi sukundidu,

1 Koríntius 14:27

Pa kilis ku na papia lingua strañu, son dus o tris ku na papia, un di kada bias; tambi pa i ten kil ku na torna palabra.

1 Koríntius 14:40

Tudu dibi di fasidu diritu, ku ordi.

2 Koríntius 12:19

Talves tudu e tempu bo kuda kuma no misti difindi dianti di bos, ma no na fala dianti di Deus, suma algin di Kristu. Tudu ku no na fasi i pa juda kumpu bos.

2 Koríntius 13:10

E ku manda N skirbi e kusas suma ku N ka sta la, pa, ora ku N bai, pa ka i pirsis pa N trata bos ku duresa, konformi otridadi ku Siñor dan. I dan el pa N kumpu; i ka pa dana.

Efésius 4:12

I fasi es pa pudi purpara pobu di Deus pa e tarbaja pa el, pa formason di kurpu di Kristu.

Efésius 4:16

Bas di si orientason tudu parti di kurpu ta filantadu, i ta ligadu, kada junta na si lugar. Si kada parti fasi si propi tarbaju, tudu kurpu ta kirsi pa si formason na amor.

Efésius 4:29

Nin un palabra fiu ka dibi di sai na bo boka, ma son kil ki bon, ku ta juda, ku ta kumpu, ku ta fasi ben pa kilis ku obil.

Efésius 5:19

Bo fala ku ŋutru ku salmu, inu ku kantiga spiritual; bo kanta, bo fasi musika pa Siñor na bo korson.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.