1 Koríntius 14:20 - BIBLIA - traduson antigu in Krioulo

²⁰ Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

1 Koríntius 14:20 ပူးပေါင်းရင်းမြစ်များ

Neemias 4:13

Asin N pui guardas tras di mura nunde ki staba mas bas, mas abertu pa ataki. N pui jinti familia, familia, ku se spadas, kañakus ku mansasas.

Salmus 119:99

N ten mas ntindimentu di ki tudu ña pursoris, pabia N ta pensa ciu na bu nsinamentus.

Isaias 11:3

I na sta kontenti na rispitu pa SIÑOR. I ka na julga konformi kil ki oja ku si uju, nin i ka na disidi konformi kil ki obi ku oreja,

Jeremias 4:22

Deus fala: “Ña pobu ka ten juisu, e ka kunsin; e sedu fijus ku ka jiru, e ka ta ntindi. E sedu jiru pa fasi mal, ma e ka sibi fasi ben.”

Mateus 11:25

Na ki ora Jesus fala: “Obrigadu, ña Pape, Siñor di seu ku tera, pabia bu sukundi e kusas di jinti jiru i ntindidu, bu mostra mininus el.

Mateus 18:3

i fala: “Na bardadi, N na konta bos kuma, si bo ka konverti, bo ka bida suma mininu, di nin un manera bo ka na yentra na renu di seu.

Mateus 19:14

Jesus fala elis: “Bo disa mininus; ka bo tuji elis bin pa mi, pabia renu di Deus i pa elis.”

Mateus 19:4

Jesus ruspundi, i punta elis: “Bo ka lei na Skritura kuma, na kumsada, Kriadur kumpu elis macu ku femia?

Markus 10:15

N na konta bos bardadi kuma, kil ku ka seta renu di Deus suma mininu, di nin un manera i ka na yentra nel.”

Lukas 18:17

N na konta bos bardadi kuma, kil ku ka seta renu di Deus suma mininu, nunka i ka na yentra nel.”

Romanus 1:13

Ermons, N misti pa bo sibi kuma manga di bias N pui pa N bai jubi bos, pa N pudi ten algun frutu na bo metadi, suma N tenba ja na utru jintius, ma te gosi N tujidu bai.

Romanus 16:19

Tudu jinti sibi kuma bo ta obdisi. E ku manda N kontenti ku bos. N misti pa bo jiru pa kusa bon, pa bo sedu inosenti pa kusa ku ka bali.

1 Koríntius 13:11

Ocan mininu N ta papiaba suma mininu, N ta sinti suma mininu, N ta kuda suma mininu, ma ocan garandi, N kaba ku kusas di mininesa.

1 Koríntius 14:19

ma na runion di igreẑa N mas misti papia sinku palabra ku na ntindidu, pa pudi nsina utrus, di ki des mil palabra na lingua strañu.

1 Koríntius 2:6

Na bardadi no ta papia ku jiresa na metadi di krentis ku maduru na fe, ma i ka jiresa de mundu, nin di otridadis de mundu ku kada dia na pirdi puder.

Efésius 4:13

Asin no na bai tok no ciga na ki unidadi ku bin di no fe, ku no kuñisimentu di Fiju di Deus. No na bin sedu jinti maduru; no na kirsi tok no yangasa altura kompletu di Kristu,

Filipensis 1:9

Es i ña orason, pa bo amor buri kada bias mas, na kuñisimentu, tambi ku tudu ntindimentu,

Filipensis 3:15

Anos tudu ku sedu maduru, no dibi di tene un mesmu manera di pensa. Si bo ka tene un mesmu pensamentu na kualker kusa, Deus ta mostra bos el.

1 Pedru 2:2

Bo sedu suma mininu ku kumsa padidu, ku ta faima pa liti. Bo faima pa liti spiritual, puru, pa bo bibil, bo kirsi na vida spiritual.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.