1 Koríntius 14:18 - BIBLIA - traduson antigu in Krioulo

¹⁸ N na fala Deus obrigadu pabia N ta papia lingua strañu mas di ki kualker di bos,

1 Koríntius 14:18 ပူးပေါင်းရင်းမြစ်များ

1 Koríntius 14:17

Na bardadi bu gardisimentu pudi sedu bon, ma i ka na juda utru jinti.

1 Koríntius 14:19

ma na runion di igreẑa N mas misti papia sinku palabra ku na ntindidu, pa pudi nsina utrus, di ki des mil palabra na lingua strañu.

1 Koríntius 14:2

Kil ku na fala na lingua ki ka obi i ka na fala pa jinti, ma pa Deus, pabia ningin ka ta ntindil. Na puder di Spiritu i na fala bardadi sukundidu,

1 Koríntius 14:4

Kil ku na fala na lingua strañu i ta juda son si kabesa, ma kil ku ta anunsia rekadu di Deus i ta juda tudu jinti na igreẑa.

1 Koríntius 14:5

N ta kontenti si abos tudu bo ta fala lingua strañu, ma N ta mas kontenti si bo na anunsia, pabia kil ku na anunsia rekadu di Deus i ten mas purbitu di ki kil ku na fala lingua strañu; son si i pudi splika tambi kusa ki fala na lingua, pa igreẑa pudi lantandadu.

1 Koríntius 4:7

Kin ku ta diferensiau? Ke ku bu tene ku bu ka dadu el? Si bu dadu el, ke ku manda bu na njata suma bu ka patidu nan el?