1 Koríntius 14:16 - BIBLIA - traduson antigu in Krioulo

¹⁶ Si bu fala Deus obrigadu son na spiritu, si algin ku falta di ntindimentu sta la, kuma ki pudi fala Amen riba di bu gardisimentu si i ka ntindi ke ku bu na fala?

1 Koríntius 14:16 ပူးပေါင်းရင်းမြစ်များ

1 Reis 1:36

Benaia, fiju di Jeoiada, i ruspundi rei i falal: “Asin ki na sedu! Pa SIÑOR Deus di Ñu Rei konfirmal!

1 Kronikas 16:36

SIÑOR Deus di Israel, pa i ngabadu pa sempri! Tudu jinti fala “Amen,” e ngaba SIÑOR.

Neemias 5:13

Tambi N sakudi ña ropa, N fala: “Asin ku Deus na sakudi tudu omi ku ka kumpri e palabra. I na sakudidu di si kasa, ku tudu ki tene, tok i fika mon limpu!” Tudu jinti ku junta la e fala: “Amen!” E ngaba SIÑOR. Ki ŝefis fasi konformi e fala.

Neemias 8:6

Esdras ngaba SIÑOR, ki garandi Deus. Tudu jinti yalsa mon, e ruspundi: “Amen! Amen!” E mpina ku rostu na con, e adora SIÑOR.

Salmus 106:48

SIÑOR, Deus di Israel, pa i ngabadu, antis di kumsada te dipus di kabantada! Tudu jinti pa e fala: “Amen!” Bo ngaba SIÑOR!

Salmus 41:13

SIÑOR Deus di Israel, pa i ngabadu, tudu tempu, pa sempri. Amen! Amen!

Salmus 72:19

Si nomi gloriosu pa i ngabadu pa sempri; si gloria pa i inci tudu mundu! Amen! Amen!

Salmus 89:52

SIÑOR dibi di ngabadu pa sempri! Amen! Amen!

Jeremias 11:5

Asin N ta kumpri juramentu ku N fasi pa bo papes, pa da elis un tera riku ku ta pruduzi ciu — e tera ku bo tene aos.’ ” N ruspundi, N falal: “Asin ki sedu, SIÑOR.”

Jeremias 28:6

i fala: “Amen! SIÑOR ta fasi asin! I ta konfirma palabras ku bu anunsia, i ta torna tisi di Babilonia pa e kau rikesa di kasa di SIÑOR, ku tudu katibus.

Numerus 5:22

E yagu di maldison pa i yentra na bu kurpu, i pui bu bariga pa i inca, i pui bu koŝa pa i pirdi forsa.’ Minjer na fala: ‘Amen! Pa i sedu asin.’

Mateus 15:36

I toma ki seti pon ku pis, i fala Deus obrigadu, i kebra elis, i ntrega si disipulus. Elis e ntrega jinti.

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Markus 16:20

Disipulus bai, e konta palabra di Deus na tudu parti. Siñor tarbaja juntu ku elis, i konfirma se palabra ku milagris ku na kumpañalba.]

Bon Noba di Jesus Kristu ku Jon 21:25

I ten inda manga di utru kusa ku Jesus fasi; si kada un delis skirbiduba, N kuda kuma, ne mundu tudu i ka na ten lugar pa ki librus ku na skirbiduba! Amen.

Bon Noba di Jesus Kristu ku Jon 7:15

Judeus fika dimiradu, e punta: “Kuma ki sibi ciu asin sin i ka nsinadu?”

Atus 4:13

Oca e oja koraẑen di Pedru ku Jon, e ntindi kuma e seduba omis simplis ku ka teneba skola ciu, e dimira, e rapara kuma e ta staba juntu ku Jesus.

1 Koríntius 11:24

i fala Deus obrigadu, i kebral, i fala: “Es i ña kurpu ki pa bos. Bo fasi asin pa ña lembransa.”

1 Koríntius 14:14

Si N ora na lingua strañu, ña spiritu na ora, ma ña ntindimentu ka na toma parti.

1 Koríntius 14:2

Kil ku na fala na lingua ki ka obi i ka na fala pa jinti, ma pa Deus, pabia ningin ka ta ntindil. Na puder di Spiritu i na fala bardadi sukundidu,

1 Koríntius 16:24

N manda ña amor pa bos tudu, na Kristu Jesus.

2 Koríntius 1:20

Suma ku tudu purmesa di Deus, i Jesus ku sedu ki SIN ku sta riba del. E ku manda, pabia del, no ta fala Amen pa gloria di Deus.

Apokalipsi 22:20

Kil ku da tustumuñu de kusas i fala: “Es i palabra sertu; N ka na tarda pa bin.” Amen. Siñor Jesus, bin!

Apokalipsi 5:14

Ki kuatru kriatura bibu na falaba: “Amen.” Ki omis garandi mborka, e adora kil ku bibu pa sempri.

Apokalipsi 7:12

e fala: “Amen! Lovor ku gloria ku jiresa ku gardisimentu ku rispitu ku puder ku forsa i sedu di no Deus pa tudu sempri! Amen!”