1 Koríntius 14:1 - BIBLIA - traduson antigu in Krioulo

¹ Bo pui amor na purmeru lugar, ma bo buska ku mpeñu dons di Spiritu, prinsipalmenti puder di anunsia rekadu di Deus.

1 Koríntius 14:1 ပူးပေါင်းရင်းမြစ်များ

Ditus 15:9

Kamiñu di omi mau i nujenti pa SIÑOR, ma i ta ama kil ku na yanda diritu.

Ditus 21:21

Kil ku sedu justu i bon i na tene vida; jinti na rispital, e tratal diritu.

Isaias 51:1

Bo sukutan, abos ku ta sigi kusa ku sta sertu, abos ku ta buska SIÑOR. Bo jubi pa roca ku bo kortadu nel, pa koba di pedra nunde ku bo tiradu nel.

Romanus 12:6

No ten diferenti dons suma ku Deus patinu. Asin si algin ten don di anunsia rekadu di Deus, i ta tarbaja ku el konformi fe ki ten.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 9:30

Ke ku no na fala gora? No na fala kuma jintius ku ka na buskaba sedu justu, e bin ojadu justu pabia di se fe,

1 Koríntius 12:1

Gosi, ermons, N na ruspundi kil ku bo skirbi aserka di dons di Spiritu Santu, pabia N misti pa bo ntindil diritu.

1 Koríntius 12:31

Bo buska ku mpeñu ki dons mas importanti. Gosi N na mostra bos kamiñu ki mas bon di tudu.

1 Koríntius 13:13

Gosi inda no na fika ku e tris kusa: fe, speransa ku amor, ma mas garandi di tudu i amor.

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

1 Koríntius 14:22

Asin, lingua strañu i ka sinal pa krenti, ma i pa kilis ki ka krenti. Anunsiu i ka sinal pa kilis ki ka krenti, ma pa krenti.

1 Koríntius 14:37

Si algin oja kuma el i anunsiadur, o i tene don spiritual, i dibi di ntindi kuma e kusas ku N skirbi bos i mandamentu di Siñor,

1 Koríntius 14:39

Asin ermons, bo buska ku mpeñu pa anunsia; ka bo tuji jinti papia lingua strañu.

1 Koríntius 16:14

Tudu ku bo na fasi, pa i sedu ku amor.

Efésius 1:3

No ngaba Deus, Pape di no Siñor Jesus Kristu, kil ku bensuanu, i danu tudu bon kusa spiritual na mundu selestial, na no union ku Kristu.

1 Tesalonisensis 5:20

Ka bo njuti rekadu ku Deus manda pa bos na boka di algin.

1 Timótiu 4:14

Ka bu diskuda ku don ku sta na bo, ku Deus dau oca ku anunsiaduris papia, presbíterus pui mon riba di bo.

1 Timótiu 5:10

ku kunsidu kuma i ta fasi bon obras; ku kria si fijus diritu, ku ta risibi ospris, ku ta laba pe di pobu di Deus, ku ta sakura kilis ku sta forontadu, ku da si vida pa fasi tudu bon obra.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

2 Timótiu 2:22

Libra di diseẑu forti di nobresa, bu buska yanda diritu, ku fe, amor ku pas, juntu ku kilis ku ta coma nomi di Siñor ku korson puru.

Ebreus 12:14

Bo buska ten pas ku tudu jinti; bo buska tambi un vida puru, pabia sin el ningin ka na oja Siñor.

2 Pedru 1:7

riba di rispitu pa Deus bo buri ermondadi; riba di ermondadi bo buri amor.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.

1 Samuel 10:5

“Dipus, bu na ciga na monti di Deus nunde ku kampamentu di filisteus sta. Ora ku bu na yentra na prasa, bu na kontra ku grupu di anunsiaduris ku na ria di kau altu; kilis ku sta dianti e na toka salterius, tambriñas, flautas ku arpas; e na papia na puder di Spiritu.