1 Koríntius 13:7 - BIBLIA - traduson antigu in Krioulo

⁷ I ta sufri tudu; si fe, si speransa ku si pasensa nunka ka ta kaba.

1 Koríntius 13:7 ပူးပေါင်းရင်းမြစ်များ

Kumsada 29:20

Asin Jakó tarbaja seti anu pa Rakel. I seduba na si uju suma nada, pabia i gostaba ciu del.

Jo 13:15

Mesmu ki matan, N na pui ña speransa nel, ma N na difindi ña kasu si dianti.

Salmus 119:66

Dan bon juisu ku kuñisimentu, pabia N fia na bu mandamentus.

Ditus 10:12

Odiu ta lantanda jus, ma amor ta kubri tudu ofensas.

Mateus 10:22

Tudu jinti na nfastia bos pabia di ña nomi, ma kil ku fika firmi te na fin i na salba.

Markus 9:23

Jesus falal: “Si bu fia. Tudu pudi sedu pa kil ku ten fe.”

Romanus 15:1

Anos ku sedu forti, no dibi di juda frakus na se frakesa. No ka dibi di fasi no propi vontadi,

Romanus 8:24

No sta salbu pabia di speransa. Si no oja kil ku no na pera, i ka speransa ja, pabia kusa ku algin na oja, kuma ki na peral?

1 Koríntius 13:4

Amor i sufridur, i bon. Amor i ka nveẑosu; amor ka ta njata, i ka orgulyosu,

1 Koríntius 9:12

Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Ripitison di Lei 1:9

Na ki tempu N fala bos: “N ka na pudi leba bos, ami son.

Ripitison di Lei 22:27

pabia i na matu ku omi oja ki bajuda ku staba pa kasa. Bajuda grita, ma i ka ten ningin pa judal pa i kapli.

2 Tesalonisensis 1:4

E ku manda anos propi no ta ngaba bos na igreẑas di Deus, pabia di bo firmesa ku fe na tudu pirsigison ku sufrimentu ku bo ta nguenta.

2 Timótiu 2:24

Servu di Siñor ka dibi di jusia, ma pa i sedu bon ku tudu jinti, bon pursor, ku ten pasensa,

2 Timótiu 3:11

pirsigison ku sufrimentu ku N pasa. Bu sibi tudu ku N pasa na Antiokia, Ikóniu ku Listra. Kantu pirsigison ku N nguenta la, ma Deus libran di tudu!

2 Timótiu 4:5

ma abo, fika kalmu na tudu ku na kontisi, bu sufri kansera, bu fasi tarbaju di un ivanjelista, bu fasi tudu sirvis ku bu comadu pa el.

Ebreus 13:13

Asin no bai pa el, fora di prasa; no sufri ki njuti ku el i njutidu,

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 4:8

Riba di tudu, bo ama ŋutru ku tudu bo korson, pabia amor ta kubri manga di pekadu.