1 Koríntius 13:5 - BIBLIA - traduson antigu in Krioulo

⁵ i ka mal-kriadu, i ka intereseru, i ka lestu di raiba, i ka rankorosu,

1 Koríntius 13:5 ပူးပေါင်းရင်းမြစ်များ

2 Samuel 10:3

ŝefis di amonitas punta se mestre Anun: “Bu kuda kuma i pabia di rispitu pa bu pape ku Davi manda falau manteña? Nta i ka manda nan elis pa e bin spia e prasa, pa kunsil, pa jubi manera di tomal?”

Jo 21:27

“Ami N sibi diritu ke ku bo na pensa, ku ki planus mau ku bo tene pa fasin.

Ditus 14:17

Kil ku lestu pa paña raiba i ta fasi suma dudu; omi ku ta fasi planu mau ta odiadu.

Isaias 3:5

Kada kin na kalka si kumpañer; mininus na lanta kontra garandis; kilis ku ka sedu nada e na lanta kontra jinti di rispitu.

Jeremias 11:19

Ami N seduba suma karnel mansu ku na lebadu pa bai matadu, pabia N ka sibiba si e na purpara planus kontra mi. E fala: “No dana arvuri ku si fruta, no kortal na tera di bibus, pa i ka ten lembransa di si nomi.”

Numerus 12:3

Moisés seduba omi mas mansu di ki tudu utru omis na mundu.

Numerus 16:15

Moisés raiba ciu, i fala SIÑOR: “Ka bu seta se oferta. N ka toma nada delis, nin un buru; N ka yara nin un delis.”

Numerus 32:6

Moisés punta gaditas ku rubenitas: “Nta bo ermons na bai pa gera, abos bo na fika li?

Mateus 5:22

Ma ami N na konta bos: tudu algin ku paña raiba kontra si ermon [sin roson] i na julgadu; kil ku koba si ermon, i comal tulu, i na julgadu na Konseliu; o i falal stupidu, i mersi bai pa fugu di nfernu.

Mateus 9:4

Jesus kunsi se pensamentu, i punta: “Pabia di ke ku bo na pensa mal na bo kabesa?

Markus 3:5

Jesus jubi elis na roda, ku raiba, ma tambi ku tristesa, manera ke risu korson. I fala omi: “Distindi bu mon.” I distindil; i torna san suma ki utru.

Lukas 7:39

Oca fariseu ku kumbidal oja ki kusa, i fala dentru del: “Si es omi sedu anunsiadur, i na sibiba e minjer i kin, i kal koldadi ku na tokal, pabia i minjer di mau vida.”

1 Koríntius 10:24

Ningin ka dibi di buska si interes propi, ma i dibi di buska interes di utru.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 11:18

Purmeru kusa, N obi kuma, si bo junta pa adora Deus, bo ta dividi grupus. Na un parti N fia kuma i bardadi.

1 Koríntius 12:25

pa ka kurpu sedu divididu, ma pa partis tene mesmu tratu un pa utru.

1 Koríntius 7:36

Na kasu di omi ku si bajuda ke ka kasa, si omi sinti kuma i ka na trata ben ku si bajuda, suma ki na pasa idadi di kasa, omi tambi i na sinti vontadi di kasa, i pudi kasa suma i misti; i ka na peka.

2 Koríntius 5:19

Kil ku no misti fala i di kuma, Deus staba na Kristu pa fasi tudu jinti di mundu ten pas ku el. I ka na rakada mal ke fasi. I mandanu pa no konta palabra di kuma ke pudi sedu si amigus.

Gálatas 5:13

Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Filipensis 2:21

Tudu jinti ta kuda son di se kabesa; e ka ta mporta ku kil ki di Kristu Jesus.

Filipensis 4:8

Pa kabanta, ña ermons, bo inci bo kabesa ku tudu kusa ki di bardadi, retu, justu, puru, bon, tudu ku pudi amadu, tudu ki di bon fama, tudu ku mersi ngaba; bo pensa ne kusas.

2 Tesalonisensis 3:7

Abos propi bo sibi kuma ku bo dibi di remendanu, pabia no ka seduba prigisosu na bo metadi.

2 Timótiu 2:10

Asin N na sufri tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.

2 Timótiu 4:16

Purmeru bias ku N julgadu, ningin ka staba na ña ladu, ma e bandonan tudu. Pa ka Deus kulpa elis pabia des.

Tiagu 1:19

Ña kiridu ermons, bo lembra de kusa li, kuma tudu algin dibi di sta pruntu pa obi, ma pa i tarda pa papia, pa i tarda pa raiba,