1 Koríntius 13:4 - BIBLIA - traduson antigu in Krioulo

⁴ Amor i sufridur, i bon. Amor i ka nveẑosu; amor ka ta njata, i ka orgulyosu,

1 Koríntius 13:4 ပူးပေါင်းရင်းမြစ်များ

Kumsada 30:1

Oca Rakel oja kuma i ka na padiba fijus ku Jakó, i bin ten nveẑa di si irma. I fala Jakó: “Dan fijus! Si i ka asin, N na muri!”

Kumsada 37:11

Si ermons nveẑaba del, ma si pape rakada ki kusa na si korson.

Neemias 9:17

E nega sukutau, e ka lembra di garandi milagris ku bu fasi pa elis. E ntema, e rebela, e kuji un ŝef pa e pudi riba pa se katiberasku, ma abo i un Deus ku ta purda, ku ta sinti pena, ku ta mostra bondadi, ku ta tarda pa paña raiba, ku ten garandi amor. Asin bu ka bandona elis,

Salmus 10:5

Na si kamiñus, tudu kusas ta kuri ben ku el; bu leis sta mas altu, lunju del; i ta ri di si inimigus.

Ditus 10:12

Odiu ta lantanda jus, ma amor ta kubri tudu ofensas.

Ditus 13:10

Orgulyosu ta tisi son jus; jiresa ta ojadu na kil ku seta konsiju.

Ditus 17:14

Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

Ditus 17:9

Kil ku ta purda, i diskisi, i ta buska amor, ma kil ku ta garbata asuntu i ta rapati garandi amigus.

Ditus 19:22

Omi ku ta misti kusas son pa el, i borgoña. I minjor pa sedu koitadi di ki munturus.

Ditus 31:20

I ta yabri mon, i da koitadis ku kilis ku pirsisa.

Ditus 31:26

I ta papia ku jiresa; nsinamentu fiel i sta na si boka.

Eklesiastis 10:4

Si un gubernadur paña raiba kontra bo, ka bu sai na bu lugar di tarbaju, pabia fika kalmu i suma mesiñu ku ta ketanda garandi pekadu.

Mateus 27:18

I sibiba kuma e ntregalba pabia di nveẑa.

Atus 7:9

“Kil no papes, suma ke tenba nveẑa di se ermon José, e bindil; i lebadu pa Ejitu, ma Deus staba ku el,

Romanus 1:29

E inci ku tudu koldadi pekadu, maldadi, malisia ku kubisa; e inci tambi ku nveẑa, matansa, gera, nganu ku ruñesa;

Romanus 13:13

No yanda onestu, suma kin ku na yanda di dia. Ka no yanda na wukesa, na camidera, na vida susu, na puku borgoña, na jusia, nin na nveẑa,

1 Koríntius 3:3

pabia bo na yanda inda suma jinti de mundu. Manera ku na bo metadi i ten inda nveẑa ku jus, bo ka sedu nan jinti di mundu? Bo ka na yanda suma utru jinti?

1 Koríntius 4:18

Utrus na yanda sañadu, suma ku N ka na torna bai nunde bos,

1 Koríntius 4:6

Ermons, pa N juda bos ntindi e kusas li ku manda N toma isemplu di mi ku Apolu, pa bo pudi sibi ke ku signifika e ditadu ku fala asin: “Ka bu pasanta mas di kil ku sta skritu,” pa ka bo yalsa un, bo baŝa utru.

1 Koríntius 5:2

Bo sta sañadu, nin bo ka fika tristi! Bo dibi di tira na bo metadi kil ku na fasi e kusa.

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

2 Koríntius 12:20

N ten medu pa, ora ku N ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

2 Koríntius 6:6

No mostra pabia di no vida limpu, no ntindimentu, no pasensa, no bondadi, pabia di Spiritu Santu, ku no amor di bardadi,

Gálatas 5:26

Ka no sedu garandiosu, pa ba ta provoka ŋutru, pa nveẑa ŋutru.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Efésius 4:32

Bo sedu bon, bo sinti pena di ŋutru, bo purda ŋutru, suma tambi ku Deus purda bos na Kristu.

Filipensis 1:15

Na bardadi utru delis ta konta Bon Noba di Kristu pabia e ten nveẑa ku spiritu di jus, ma utrus ta fasil di bon vontadi.

Kolosensis 1:11

No pidil pa i fortifika bos ku forsa ku bin di si puder gloriosu, pa bo pudi nguenta tudu ku bin, ku pasensa, ku kontentamentu,

Kolosensis 2:18

Ka bo seta kondenason di jinti ku ta misti julga bos, ku ta finji umildi, ku ta adora anjus, ku ta fala kuma e oja vison. Ki jinti sta incadu amonton pa se ntindimentu di se propi kabesa,

Kolosensis 3:12

Bo sedu pobu di Deus; i ama bos, i kuji bos pa bo sedu di sil. Asin bo ten ku bisti un korson di miserikordia, bondadi, umildadi, mansesa ku pasensa.

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.

1 Timótiu 6:4

si dunu sta incadu di orgulyu, i ka sibi nada. I ta lantanda purfia, i ta jusia aserka di palabras. Asin i ta tisi nveẑa, purfia, koba mal, mau diskunfiansa,

2 Timótiu 2:25

mansu pa raprindi kilis ku sta kontra, pa talves Deus ta da elis ripindimentu, pa e pudi kunsi bardadi.

2 Timótiu 3:10

Ma abo, bu rapara sempri ña nsinamentu, manera di yanda, sintidu ku N ten, fe, pasensa, amor, firmesa,

2 Timótiu 4:2

pa bu konta palabra di Deus; si tempu i bon o i ka bon, ntema nel. Raprindi, bu kuriẑi, bu anima, bu nsina ku tudu pasensa.

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?

1 Pedru 2:1

Bo disa tudu mau maña, tudu nganu, finjimentu, nveẑa, ku tudu palabra mau.

1 Pedru 3:8

Pa kabanta, abos tudu bo dibi di tene un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

1 Pedru 4:8

Riba di tudu, bo ama ŋutru ku tudu bo korson, pabia amor ta kubri manga di pekadu.

2 Pedru 1:7

riba di rispitu pa Deus bo buri ermondadi; riba di ermondadi bo buri amor.

1 Jon 4:11

Ña kiridu ermons, si Deus amanu de manera, no dibi di ama ŋutru tambi.