1 Koríntius 12:31 - BIBLIA - traduson antigu in Krioulo

³¹ Bo buska ku mpeñu ki dons mas importanti. Gosi N na mostra bos kamiñu ki mas bon di tudu.

1 Koríntius 12:31 ပူးပေါင်းရင်းမြစ်များ

Mateus 5:6

“Sortiadu i kilis ku ta faima pa fasi ke ku Deus misti, pabia Deus na bin fartanda elis.

Lukas 10:42

ma i un kusa son ki pirsis. Maria kuji kil ki mas minjor; i ka na tiradu el.”

1 Koríntius 13:1

N pudi papia linguas di omis, o te di anjus, ma si N ka ten amor, N ta sedu suma sinu ku na somna, o suma feru ku na majadu.

1 Koríntius 14:1

Bo pui amor na purmeru lugar, ma bo buska ku mpeñu dons di Spiritu, prinsipalmenti puder di anunsia rekadu di Deus.

1 Koríntius 14:39

Asin ermons, bo buska ku mpeñu pa anunsia; ka bo tuji jinti papia lingua strañu.

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

Filipensis 3:8

I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentu di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

Ebreus 11:4

I fe ku pui Abel da Deus sakrifisiu mas bon di ki kil di Kain. E ku manda Deus ngabal kuma i justu; i kontenti ku si oferta. Pabia di fe, te dipus di mortu, i na papia inda.