1 Koríntius 12:3 - BIBLIA - traduson antigu in Krioulo

³ Asin N misti pa bo ntindi kuma, algin ku na fala na puder di Spiritu di Deus ka ta fala kuma Jesus maldisuadu. Ningin tambi ka pudi fala: “Jesus i Siñor,” si i ka papia na puder di Spiritu Santu.

1 Koríntius 12:3 ပူးပေါင်းရင်းမြစ်များ

Salmus 109:20

Es pa i sedu pagamentu di SIÑOR pa ña akusaduris, ku kilis ku ta papia mal kontra mi.

Mateus 22:43

Jesus punta elis: “Nta kuma ku Davi, na puder di Spiritu di Deus, i comal ‘Siñor’? Pabia i fala:

Markus 9:39

Jesus ruspundi: “Ka bo tujil, pabia ningin ka pudi fasi milagri na ña nomi, dipus i torna fala mal di mi.

Bon Noba di Jesus Kristu ku Jon 13:13

Bo ta coman Mestre ku Siñor. Bo fala bardadi, pabia ami i el.

Bon Noba di Jesus Kristu ku Jon 13:14

Si ami gora N sedu Siñor ku Mestre, N laba bos pe, abos tambi bo dibi di laba ŋutru pe.

Bon Noba di Jesus Kristu ku Jon 15:26

Ora ku Judadur bin, ku N na bin manda bos di parti di ña Pape, ki Spiritu di bardadi ku ta bin di ña Pape, el i na konta aserka di mi.

Atus 8:37

Filip falal: “I pudi sedu si bu fia ku tudu korson.” I ruspundi Filip i falal: “N fia kuma Jesus Kristu i Fiju di Deus.”]

Romanus 10:9

kuma, si ku bu boka bu diklara kuma Jesus i Siñor, na bu korson bu fia kuma Deus lantandal na metadi di mortus, bu na sedu salbu.

Romanus 9:3

tok N ta tenba vontadi di sta bas di praga, separadu di Kristu, pa amor di ña ermons ku sedu ña parentis di sangi.

1 Koríntius 16:22

Si algin ka ama Siñor, pa i sedu maldisuadu. Maranata! Siñor, bin!

1 Koríntius 8:6

ma pa nos i ten son un Deus, Pape, ku kumpu tudu kusas, ku no ta vivi pa el; i ten tambi un son Siñor, Jesus Kristu, ku tudu kusa kumpudu pa si mon, ku anos no na vivi pabia del.

2 Koríntius 11:4

pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

2 Koríntius 3:5

I ka ten nada na nos ku ta punu pa no fala kuma no sedu kapas di fasi kualker kusa. Puder ku no ten i ta bin di Deus.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

Ripitison di Lei 21:23

si kurpu ka pudi durmi la. Bu ten ku nteral na ki mesmu dia, pabia kil ku pindradu na un po i sta bas di maldison di Deus. Asin, ka bu kontamina bu tera ku SIÑOR bu Deus dau pa bu yarda.

Apokalipsi 1:10

Na dia di Siñor, Spiritu rabatan; N obi garandi vos suma di korneta ña tras,