1 Koríntius 12:27 - BIBLIA - traduson antigu in Krioulo

²⁷ Abos ku sedu kurpu di Kristu; kada un di bos sedu un parti di si kurpu.

1 Koríntius 12:27 ပူးပေါင်းရင်းမြစ်များ

Romanus 12:5

asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.

1 Koríntius 1:2

N skirbi e karta pa igreẑa di Deus ku sta na Korintu, pa kilis ku santifikadu na Kristu Jesus, ku comadu pa sedu pobu di Deus. N na skirbi tambi pa tudu kilis ku na tudu lugar coma nomi di no Siñor Jesus Kristu; i se Siñor, i di nos tambi.

1 Koríntius 10:17

Manera ki sedu un pon, anos tudu no ciu, ma no sedu un kurpu son, pabia no ta kume di ki un pon son.

1 Koríntius 12:12

Kristu i suma un kurpu son ku tene manga di parti. Kontudu e ciu, ma e ta junta pa e sedu un kurpu son.

1 Koríntius 12:26

Asin, si un parti na sufri, tudu ta sufri ku el. Si un parti ngabadu, tudu ta kontenti juntu ku el.

1 Koríntius 6:15

Bo ka sibi kuma bo kurpu fasi parti di kurpu di Kristu? Nta N na toma parti di kurpu di Kristu pa N fasil parti di algin di mau vida? Di nin un manera!

Efésius 1:23

Igreẑa i kurpu di Kristu; i inci ku tudu ku Kristu sedu. Kristu, el mesmu, i inci ku tudu ku Deus sedu.

Efésius 4:12

I fasi es pa pudi purpara pobu di Deus pa e tarbaja pa el, pa formason di kurpu di Kristu.

Efésius 5:23

pabia omi i kabesa di si minjer suma ku Kristu i kabesa di igreẑa. Na bardadi, el ki Salbadur di kurpu ku sedu igreẑa.

Efésius 5:30

pabia no sedu membrus di si kurpu.

Kolosensis 1:18

Tambi el i kabesa di kurpu, ku sedu igreẑa; i fonti di vida. El i purmeru ku lantandadu di mortu, pa el son i pudi ten purmeru lugar riba di tudu kusa.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

Kolosensis 2:19

e larga Kristu ku sedu kabesa. Bas di kabesa, kurpu tudu i ta alimentadu. Juntas ku ligamentus e ta ligal na un son, pa i kirsi suma ku Deus misti.