1 Koríntius 11:17 - BIBLIA - traduson antigu in Krioulo

¹⁷ Ne kusa ku N na bin fala gosi, N ka pudi ngaba bos, pabia bo juntamentu i ka pa ben, ma i pa mal.

1 Koríntius 11:17 ပူးပေါင်းရင်းမြစ်များ

Ditus 27:5

I minjor algin raprindiu klaru te pa i sukundi si amor.

Sirmonias 19:17

“Ka bu guarda rankor pa bu ermon na bu korson. Raprindi bu kumpañer klaru, pa bu ka ten parti na si pekadu.

Romanus 13:3

Kilis ku ta fasi ben e ka pirsisa di ten medu di polisia, ma son kilis ku ta fasi mal. Bu misti fika libri di medu di otridadi? Ba ta fasi ben; i ta ngabau.

1 Koríntius 11:2

Ami N ngaba bos pabia na tudu bo ta lembra di mi, suma ku bo obdisi nsinamentu ku N pasanta pa bos,

1 Koríntius 11:20

E ku manda, si bo junta na un lugar, i ka Sia di Siñor ku bo na kume,

1 Koríntius 11:22

Nta bo ka tene bo kasas pa kume, pa bibi nel? O bo ta njuti igreẑa di Deus pa pui na borgoña kilis ku ka tene nada? Ke ku N pudi fala bos? Pa N ngaba bos? Nes li N ka pudi ngaba bos.

1 Koríntius 11:34

Si algin tene fomi, pa i kume na si kasa, pa ora ku bo junta, bo ka kai na kondenason. Restu di kusas, ora ku N ciga la, N ta ruma elis.

1 Koríntius 14:23

Asin, si tudu igreẑa junta na un lugar, si tudu na papia lingua strañu, i yentra un algin ku ka ten ntindimentu o ki ka krenti, nta i ka ta fala bo tulu?

1 Koríntius 14:26

Pa kabanta, ermons, ora ku bo junta pa adorason, un ta tene kantiga, utru tene nsinamentu, utru ta konta kusa ku Deus mostral, utru ta fala lingua strañu, utru ta splikal. Bo fasi tudu pa ajuda di igreẑa.

Ebreus 10:25

Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.

1 Pedru 2:14

o gubernaduris ku rei manda pa e kastiga kilis ku ta fasi mal, pa ngaba kilis ku ta fasi ben.