1 Koríntius 10:6 - BIBLIA - traduson antigu in Krioulo

⁶ Agora tudu e kusas sedu pa avisanu pa ka no kubisa kusas mau suma elis.

1 Koríntius 10:6 ပူးပေါင်းရင်းမြစ်များ

Numerus 11:4

Utru stranjerus ku staba na se metadi faima pa kusa sabi. Asin fijus di Israel torna cora, e punta: “Kin ku na danu karni pa no kume?

Romanus 5:14

Desdi Adon te Moisés mortu rena, te na kilis ku ka peka suma Adon ku kebra ordi di Deus. Adon i figura di kil ku tenba ku bin.

1 Koríntius 10:11

Tudu ki kusas kontisi pa un sinal, i skirbidu pa avisanu, anos ku na vivi na tempu ku kabantada di tudu sta pertu.

Ebreus 4:11

No fasi forsa pa yentra ne lugar di diskansu pa ka ningin sigi isemplu di kilis ku disobdisi.

Ebreus 9:24

pabia Kristu ka yentra na ki lugar sagradu ku omi kumpu, ku sedu figura di kil ki di bardadi, ma i yentra na seu propi, pa parsi dianti di Deus pa nos.

1 Pedru 3:21

E yagu i figura di batismu ku bo ta pasa nel gosi pa salbason. I ka pa tira susidadi na kurpu, ma i palabra ku no ta da Deus, ku sai na un sintidu limpu. I ta salba pabia Jesus Kristu lanta di mortu,

2 Pedru 2:6

I kondena prasas di Sodoma ku Gomora pa stragu kompletu; i bidanta elis sinsa; i fasi elis isemplu pa kilis ku ka ta mporta ku Deus.

Judas 1:7

Bo lembra tambi di Sodoma ku Gomora, ku prasas ku pertu elis. Jinti di la e fasi suma ki anjus, e yanda na vida susu, e torkia usu di seksu, e sufri kastigu di fugu ntidu, pa sedu avisu pa utru jinti.