1 Koríntius 10:32 - BIBLIA - traduson antigu in Krioulo

³² Bo yanda na bon manera, ku bo ka ta pui nin judeu, nin gregu, nin igreẑa di Deus pa i kai.

1 Koríntius 10:32 ပူးပေါင်းရင်းမြစ်များ

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

Romanus 14:13

Ka no julga mas ŋutru. I minjor bo pui sintidu pa ka pui kusa ku na mbaransa bo ermon, pa pul pa i kai na pekadu.

1 Koríntius 1:2

N skirbi e karta pa igreẑa di Deus ku sta na Korintu, pa kilis ku santifikadu na Kristu Jesus, ku comadu pa sedu pobu di Deus. N na skirbi tambi pa tudu kilis ku na tudu lugar coma nomi di no Siñor Jesus Kristu; i se Siñor, i di nos tambi.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 11:22

Nta bo ka tene bo kasas pa kume, pa bibi nel? O bo ta njuti igreẑa di Deus pa pui na borgoña kilis ku ka tene nada? Ke ku N pudi fala bos? Pa N ngaba bos? Nes li N ka pudi ngaba bos.

1 Koríntius 12:28

Na purmeru lugar Deus pui na igreẑa apostolus; na sugundu lugar anunsiaduris; na terseru, pursoris; dipus, kilis ku ta fasi milagris; dipus, kilis ku dadu puder di kura, o di juda utrus, o di guberna na igreẑa, o di fala linguas ke ka obi.

1 Koríntius 15:9

Ami N mas ka ten importansia di ki tudu apostolus, nin N ka mersi pa N comadu asin, pabia N pirsigi igreẑa di Deus,

1 Koríntius 7:17

Kada un dibi di kontinua vivi konformi don ku Siñor dal, suma ki staba oca Deus comal. Es ku N ta nsina na tudu igreẑa.

1 Koríntius 8:13

Asin, si i kumida ku na fasi ña ermon peka, nunka mas N ka na kume karni, pa ka N sedu kil ku na pui ña ermon pa i peka.

2 Koríntius 1:1

Ami Paulu, apostolu di Kristu Jesus pa vontadi di Deus, ku no ermon Timótiu, no na skirbi pa igreẑa di Deus ku sta na Korintu, ku tudu pobu di Deus ku sta na tudu Akaia.

2 Koríntius 6:3

No ka misti pa ningin oja falta na no tarbaju. Asin, no ta libra di pui mbaransu na kamiñu di algin.

Gálatas 1:13

Bo obi ja kuma ku ña vida seduba oca N staba na riliẑion di judeu, manera ku N ta pirsigiba ku forsa igreẑa di Deus, N buska kaba ku el.

Filipensis 1:10

pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

Filipensis 3:6

N sigi lei ku tudu mpeñu tok N pirsigi igreẑa. Si algin pudi sedu justu na lei, N ka tenba kulpa la,

1 Tesalonisensis 2:14

Ermons, un mesmu kusa ku kontisi ku bos i el ku kontisi ku igreẑas di Deus na Judeia, ku sedu di Kristu Jesus, pabia bo sufri mesmu pirsigison di bo pobu suma ku elis e sufri di judeus

1 Timótiu 3:15

Si kontra N tarda pa bai, bu ta sibi kuma ku algin dibi di yanda na familia di Deus, ku sedu igreẑa di Deus bibu, kuluna ku firkija di bardadi.

1 Timótiu 3:5

pabia si algin ka sibi guberna si familia propi, kuma ki pudi toma konta di igreẑa di Deus?

Ruti 3:14

Asin i dita na si pe te parmaña, i lanta antis di jinti pudi rapara ŋutru, pabia Boaz ka misti pa algin sibi kuma minjer baiba pa kau di masa.