1 Koríntius 10:13 - BIBLIA - traduson antigu in Krioulo

¹³ Tudu koldadi tentason ku bin pa bos i suma di tudu jinti, ma Deus i fiel; i ka na disa pa bo tentadu mas di ki kil ku bo pudi ku el; na ora di tentason i ta da tambi manera di kapli, pa bo pudi nguental.

1 Koríntius 10:13 ပူးပေါင်းရင်းမြစ်များ

Salmus 124:7

No kapli suma kacu ku kapli na armadilia di kil ku misti pañal; armadilia kebradu; anos no kapli.

Salmus 125:3

Omi mau ka na kontinua ten puder di renansa riba di tera ku rapatidu ku sorti pa justus, pa ka justu bin distindi si mon pa fasi mal.

Salmus 36:5

SIÑOR, bu bondadi ciga te na seu; bu bardadi yangasa nuvens mas altu.

Salmus 89:33

ma N ka na tira tudu ña bondadi na Davi, nin N ka na disa di sedu fiel.

Saida 3:17

E ku manda N fala kuma N na tira bos di kastigu na Ejitu, pa leba bos pa tera di kananeus, eteus, amoreus, perizeus, eveus ku jebuseus, un tera riku ku ta pruduzi ciu.” ’

Isaias 11:5

I na guberna si pobu ku justisa ku bardadi.

Isaias 25:1

O SIÑOR, abo i ña Deus; N na garandisiu, N na ngaba bu nomi, pabia bu fasi kusas di dimira. Bu sedu fiel pa kumpri planus ku bu fasi na tempu antigu; e ka pudi maina.

Isaias 49:7

SIÑOR, Libertadur di Israel, ku sedu si Deus Santu, i fala pa kil ku disprezadu, ku nasons aburisi, servu di kilis ku ta guberna: “Reis na oja ke ku SIÑOR fasi pa bo, e na lanta pa mostrau rispitu; ŝefis na mpina bu dianti, pabia di SIÑOR, Deus Santu di Israel, ku sedu fiel, i kujiu.”

Jeremias 12:5

“Jeremias, si bu kansa ne kurida ku omis, kuma ku bu pudi fasi kurida ku kabalus? Si bu kai na con ku sabi yanda, kuma ku bu na fasi na inŝenti di Jordon?

Jeremias 29:11

N sibi planus ku ami, SIÑOR, N tene pa bos, planus ku na juda bos, i ka pa fasi bos mal, pa da bos futuru ku bo na pera.

Miskiñu di Jeremias 3:23

I ta nobu kada parmaña. Abo i fiel dimas!

Daniel 3:17

No Deus ku no ta sirbi, i el ku pudi libranu. I na bin libranu di furnu ku na yardi, ku di bu mon tambi,

Oseias 2:20

N na guarda ña purmesa pa bo pa bu sedu di mi; bu na rikuñisin suma SIÑOR.

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Lukas 11:4

Purdanu no pekadus, pabia anos tambi no ta purda kilis ku fasinu mal. Ka bu lebanu na probason, ma libranu di ki algin malvadu.’ ”

Lukas 16:26

Fora des, i pudu un kobon garandi, fundu, na metadi di nos ku bos. Nin ku algin di li misti kamba pa bo ladu, i ka ta pudi; tambi ningin di la ka pudi bin pa li.’

Lukas 22:46

I punta elis: “Ke ku manda bo na durmi? Bo lanta, bo ora, pa ka bo kai na tentason.”

Atus 27:44

restu pa e pega na tagua o na utru parti di barku. Asin ke salba tudu, e ciga na tera.

1 Koríntius 1:9

Deus i fiel, ku coma bos pa bo ten kumuñon ku si Fiju Jesus Kristu no Siñor.

2 Koríntius 1:10

El i libranu di ki garandi pirigu di mortu; i na torna libranu mas. No pui no speransa nel kuma i na libranu sempri,

Ripitison di Lei 7:9

Asin bu dibi di ntindi kuma SIÑOR bu Deus, el ki Deus; i Deus fiel ku ta guarda si kontratu. I na mostra bondadi te mil manjuandadi di kilis ku amal, e obdisi si mandamentus,

1 Tesalonisensis 5:24

Kil ku coma bos i di fiansa; i na fasil.

2 Tesalonisensis 3:3

Siñor i fiel; i na fortifika bos, i na guarda bos di ki malvadu.

2 Timótiu 4:18

Siñor na libran tambi di tudu mal, i na leban salbu pa si renu na seu. Gloria pa el pa sempri. Amen.

Ebreus 10:23

No pega tesu na fala di no speransa, pabia kil ku da purmesa i di fiansa.

Ebreus 11:11

I fe ku pui propi Sara pa i risibi puder di preña; i padi oca ki pasaba ja idadi, pabia i oja kuma kil ku fala i na dal fiju i fiel pa fasil.

Ebreus 12:4

Na bo luta kontra pekadu bo ka risisti inda tok bo tiradu sangi.

Ebreus 6:18

Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

1 Pedru 4:19

E ku manda, kilis tambi ku na sufri konformi vontadi di Deus, pa e kontinua fasi ben; asin e na ntrega se alma na fiel Kriadur.

2 Pedru 2:9

Asin Siñor i sibi libra di tentason kilis ku rispital; i ta guarda ki maus te dia di juisu pa e kastigadu.

1 Jon 1:9

Si no konfesa no pekadus, suma el i justu, i di konfiansa, i ta purda no pekadus, i ta limpanu di tudu kusa mau,

Apokalipsi 19:11

N oja seu yabri; i staba la un kabalu branku. Kil ku monta nel i coma: “Fiel i di Bardadi.” El i justu na julgamentu, tambi na gera.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 3:10

Suma ku bu obdisi ña palabra, bu fika firmi, tambi N na guardau na tempu di kansera ku na bin riba di tudu mundu, pa proba kilis ku sta na tera.

1 Samuel 29:10

Asin amaña mandrugada, abo, ku jinti ku sai na mon di Saul pa bin ku bo, bo ta lanta sedu, bo bai logu ku sol mansi.”