1 Koríntius 10:12 - BIBLIA - traduson antigu in Krioulo

¹² Kil ku oja kuma i sta firmi, pa i toma sintidu pa ka i kai!

1 Koríntius 10:12 ပူးပေါင်းရင်းမြစ်များ

Ditus 16:18

Orgulyu ta tisi danu; yalsa kabesa i ta tisi kaida.

Ditus 28:14

Sortiadu i omi ku ta rispita SIÑOR sempri, ma kil ku ndurusi si korson na bin kai na mal.

Lukas 8:18

Bo toma sintidu na manera ku bo ta sukuta. Kualker algin ku tene, i ta dadu, ma kualker ku ka tene, te kil ki kuda kuma i tene i na tiradu el.”

Romanus 11:20

I sta bon! E kebradu pabia di se falta di fe. Abo bu sta firmi pabia di bu fe. Ka bu ronka, ma ten medu.

1 Koríntius 8:2

Si algin kuda kuma i sibi kualker kusa, na bardadi i ka sibi suma ki dibi di sibi,

Kolosensis 2:8

Bo toma sintidu pa ka ningin fasi bos prezu ku si ideias di nganu ku ka ten balur, ku bin di nsinamentu ku omi ta pasanta pa si fiju, ku fiju di si fiju, ku bin tambi di nsinamentu di mundu, ma i ka bin di Kristu.

2 Pedru 3:17

Asin, ña kiridu ermons, suma ku bo jumna bo sibi es, bo toma sintidu pa ka bo kai na bo firmesa, lebadu pa nganu di omis malandru.